प्रसिद्ध युट्युबर आणि सोशल मीडिया स्टार फैसल शेख सध्या त्याच्या लग्नाच्या बातम्यांमुळे जोरदार चर्चेत आहे. अभिनेत्री जन्नत जुबैरसोबतच्या ब्रेकअपच्या चर्चांनंतर आता फैसल शेखच्या आयुष्याची नवीन सुरुवात होणार आहे. नुकताच तो त्याच्या होणाऱ्या पत्नीसोबत स्पॉट झाला आहे. याचा व्हिडिओ कॅमेऱ्यात कैद झाला.

वेडिंग कार्डमधून झाला खुलासा

सोशल मिडिया इन्फ्लूएनसर युविका चौधरीने सोशल मिडियावर शेअर केलेल्या एका व्लॉगमध्ये एक सजवलेले वेडिंग कार्ड पाहायला मिळाले, ज्यावर 'MR. FAISU & TANYA' असे लिहिले होते. या कार्डनुसार, 18 ऑक्टोबर 2026 रोजी मदीना शरीफ (सौदी अरेबिया) येथे फैजू आणि तान्याचं लग्न होणार असून 19 ऑक्टोबरला मुंबईत रिसेप्शन पार पडणार आहे समजले मात्र अजूनही फैजूने या लग्नाबाबत कोणतीही अधिकृत घोषणा केलेली नाहि.

तसेच, कार्डवर नमूद केल्याप्रमाणे मोहम्मद मुदस्सीर आणि निक्हत फातिमा अशी नावेही पाहायला मिळाली. यावरून असा अंदाज वर्तवला जात आहे की, फैजूच्या होणाऱ्या पत्नीचे खरे नाव निक्हत फातिमा असावे आणि 'तान्या' हे तिचे टोपणनाव असावे. तसेच,फैजूने स्वतः आपल्या व्लॉगच्या माध्यमातून तो लवकरच लग्न बंधनात अडकणार असल्याची घोषणा केली होती.

होणाऱ्या पत्नीची पहिली झलक आली समोर

सोशल मीडियावर एक व्हिडिओ जोरदार व्हायरल होत आहे, ज्यामध्ये फैजू त्याच्या होणाऱ्या पत्नीसोबत दिसत आहे. या व्हिडिओमध्ये त्याची होणारी पत्नी पांढऱ्या रंगाच्या बुर्ख्यात पाहायला मिळत आहे, तर तिच्या पुढे पांढरा शर्ट घालून फैजू उभा असल्याचे दिसतो. फैजूने पहिल्यांदाच सार्वजनिकरीत्या एखाद्या मुलीसोबत अशा प्रकारे हजेरी लावली आहे. आपल्या होणाऱ्या जोडीदाराला पाहताच फैजूच्या चेहऱ्यावर एक गोड स्माइल पाहायला मिळाली. या झलकेने चाहत्यांची उत्सुकता आणखी वाढवली आहे.

जन्नत जुबैरसोबतच्या नात्यावर पूर्णविराम

एक काळ असा होता जेव्हा जन्नत जुबैर आणि फैजू एकमेकांचे घट्ट मित्र मानले जात होते. मात्र, काही महिन्यांपूर्वी दोघांच्या ब्रेकअपच्या बातम्यांनी चाहत्यांना मोठा धक्का दिला होता. जरी फैजू किंवा जन्नत दोघांपैकी कोणीही कधीही त्यांच्या नात्याची किंवा ब्रेकअपची अधिकृत घोषणा केली नसली, तरी फैजूच्या लग्नाच्या बातम्यांवरून असे दिसून येते की तो आता आपल्या आयुष्यात पुढे निघून गेला आहे. आता सर्वांना त्याच्या लग्नाच्या अधिकृत घोषणेची प्रतीक्षा आहे.