बॉलिवूड अभिनेत्री दिव्या दत्ताने इंडिगो विमान कंपनीवर सकाळी-सकाळी संताप व्यक्त केलाय. सोशल मीडियावर विमानतळाचा एक व्हिडिओ पोस्ट करत कंपनीच्या अनियमिततेवर राग काढलाय. हा राग काढला, असा प्रश्न पडला असेल, त्याचं झालं असं अभिनेत्री दिव्या दत्ता आपली फ्लाईट पकडण्यासाठी विमानतळावर धावपळ करत गेली. परंतु तिची फ्लाईट रद्द झाली होती. एवढेच नाही तर विमानतळावर तिला एकही कर्मचारी दिसला नाही.

याउलट दिव्या दत्ताने सांगितले की, तिच्यासोबतही गैरवर्तन झाले. दिव्याने एक व्हिडिओ शेअर करताना कॅप्शनमध्ये हे सर्व सांगितलंय. दरम्यान फ्लाईट रद्द केली जाणार जातेय याची कोणतीच सुचना विमान कंपनीकडून करण्यात आली नाही, त्यामुळे अभिनेत्रीचा राग अनावर झाला.

कॉम्प्यूटरवर लाईट चमकत आहेत. रिकाम्या खुर्च्या आहेत. आजूबाजूला एकही कर्मचारी नाही. हा व्हिडिओ शेअर करताना दिव्या दत्ताने लिहिले की, 'सकाळी या वाईट अनुभवासाठी धन्यवाद. उड्डाण रद्द करण्यात आले आणि कोणतीही माहिती देणे योग्य मानले गेले नाही. विमानतळाच्या गेटवरील फलकावर ही माहिती उपलब्ध आहे. विमानतळावर मदतीसाठी कंपनीचा एकही कर्मचारी नाही. तसेच गेटवर होणारा गैरव्यवहारही वेगळा आहे.

दिव्या दत्ता ही बॉलीवूडची ज्येष्ठ अभिनेत्री आहे. दिव्याने आतापर्यंत १३८ हून अधिक चित्रपट, मालिका आणि टीव्ही शोमध्ये काम केले आहे. दिव्या दत्ता अलीकडे शर्मा जी के बेटे या प्रोजेक्टमध्ये दिसली होती.IMDb नुसार, दिव्याचे 10 प्रकल्प आहेत. दिव्या दत्ताने काल तिचा वाढदिवस साजरा केला. बॉलीवूड स्टार्सनीही त्यांना वाढदिवसाच्या खास निमित्त शुभेच्छा दिल्या आहेत.