सध्या आठवडाभर रणवीर सिंहच्या 'धुरंधर' चित्रपटाची हवा पाहायला मिळाली. 'धुरंधर' चित्रपट 5 डिसेंबर 2025 ला थिएटरमध्ये रिलीज झाला आहे. कंधार अपहरण आणि २६/११ च्या मुंबई दहशतवादी हल्ल्यांसह अनेक सत्य घटनांपासून चित्रपट प्रेरित आहे. तर काल (12 डिसेंबर) ला कॉमेडियन कपिल शर्माचा 'किस किसको प्यार करू 2' सिनेमा रिलीज झाला आहे. कपिलच्या चित्रपटाने पहिल्या दिवशी किती कोटींची कमाई केली, जाणून घेऊयात.

'धुरंधर' बॉक्स ऑफिस कलेक्शन दिवस 8

रणवीरच्या 'धुरंधर' चित्रपटाने पहिल्या दिवशी 28 कोटी रुपये कमावले आहेत. तर चित्रपटाने पहिल्या आठवड्यात 207.25 कोटींची कमाई केली आहे. Sacnilk च्या रिपोर्टनुसारनुसार, 'धुरंधर' चित्रपटाने 8 व्या दिवशी 32.00 कोटी ही बंपर कमाई केली आहे. त्यामुळे चित्रपटाचे एकूण व्यवसाय  239.25 कोटी रुपये झाला आहे.

• पहिला दिवस - 28 कोटी रुपये

• दुसरा दिवस - 32 कोटी रुपये

• तिसरा दिवस - 43 कोटी रुपये

• चौथा दिवस - 23.25 कोटी रुपये

• पाचवा दिवस - 27 कोटी रुपये

• सहावा दिवस - 27 कोटी रुपये

• सातवा दिवस -27 कोटी रुपये

• आठवा दिवस - 32.00 कोटी रुपये

• एकूण - 239.25 कोटी रुपये

'किस किसको प्यार करू 2' बॉक्स ऑफिस कलेक्शन

कॉमेडियन कपिल शर्माचा 'किस किसको प्यार करू 2' चित्रपट ही कॉमेडी, लव्ह स्टोरी आहे. Sacnilk च्या रिपोर्टनुसारनुसार,'किस किसको प्यार करू 2'ने रिलीजच्या पहिल्या दिवशी फक्त 1.75 कोटी रुपयांची कमाई केली आहे. 'किस किसको प्यार करू ' हा चित्रपटाचा पहिला भाग 2015 ला रिलीज झाला होता. पहिल्या भागापेक्षा दुसऱ्या भागाची कमाई खूपच कमी झाली आहे.

कपिल शर्माच्या 'किस किसको प्यार करू 2' मध्ये त्रिधा चौधरी, आयशा खान, वारिना हुसेन, पारुल गुलाटी आणि मनजोत सिंग हे कलाकार महत्त्वाच्या भूमिकांमध्ये दिसले आहेत. 'धुरंधर' चित्रपट आदित्य धर याचा आहे. 'धुरंधर' हा ॲक्शन चित्रपट आहे. 'धुरंधर' रणवीर सिंगच्या कारकिर्दीतील सर्वात मोठ्या चित्रपटांपैकी एक आहे. 'धुरंधर' चित्रपटात रणवीर सिंहसोबत संजय दत्त, अर्जुन रामपाल, सारा अर्जुन, अक्षय खन्ना, आर माधवन, राकेश बेदी हे तगडे कलाकार झळकले आहेत.