Yuzvendra Chahal-Dhanashree Verma Divorce Reason: २० मार्च रोजी वांद्रे कुटुंब न्यायालयाने युजवेंद्र चहल आणि त्यांची पत्नी धनश्री वर्मा यांचा घटस्फोट मंजूर केला. त्यांच्या वकिलाने पुष्टी केली की दोघांनी परस्पर संमतीने दाखल केलेल्या संयुक्त याचिकेच्या आधारे वेगळे होण्याचा निर्णय घेतला आहे. त्यांच्या खटल्यातील सहा महिन्यांचा कूलिंग पीरियड जोडप्याच्या विनंतीवरून माफ करण्यात आला. चहल आणि वर्मा त्यांच्या वेगळे होण्यामागील कारणाबद्दल मौन बाळगत असले तरी, त्यांच्या वेगळे होण्यात मुंबईने मोठी भूमिका बजावल्याचे वृत्त समोर आले आहे.

ज्येष्ठ मनोरंजन पत्रकार विकी लालवाणी यांनी या जोडप्याच्या जवळच्या एका सूत्राचा हवाला देत खुलासा केला की चहल आणि वर्मा त्यांच्या भिन्न व्यक्तिमत्त्वांमुळे हे कपल कधीही खरोखर एकत्र आले नाहीत. त्यांनी पुढे सांगितले की धनश्रीला मुंबईत स्थलांतरित होण्याची इच्छा होती, तर चहल त्याच्या पालकांपासून दूर जाण्यास विरोध करत होता. हा एक महत्त्वाचा घटक होता यामुळे त्यांच्या वेगळे होण्याच्या निर्णयाला हातभार लावला.

धनश्री वर्माशी घटस्फोटाच्या अंतिम सुनावणीदरम्यान चहलच्या टी-शर्टने चर्चा रंगली

“लग्न झाल्यानंतर, युझी आणि धनश्री हरियाणामध्ये युझीच्या पालकांसोबत राहण्यासाठी गेले होते आणि जेव्हा त्यांना गरज होती तेव्हाच मुंबईत आले होते. हो, मुंबई-हरियाणा हे या बहुचर्चित विवाहाच्या समाप्तीचे एक मुख्य कारण होते. युझीने स्पष्ट सांगितले होते की तो त्याच्या पालकांपासून आणि घरापासून दूर राहणारा नाही,” असे विकी लालवानी यांनी इंस्टाग्रामवर लिहिले.

ज्या दिवशी न्यायालयाने त्यांचा घटस्फोट मंजूर केला, त्या दिवशी युझवेंद्र चहलने "स्वतःच स्वतःचे शुगर डॅडी व्हा" असे लिहिलेले टी-शर्ट घातले होते. वृत्तानुसार, घटस्फोटाच्या तडजोडीचा भाग म्हणून धनश्री वर्माला ४.७५ कोटी रुपये पोटगी मिळणार आहे. तर,घटस्फोटानंतर त्याच दिवशी धनश्रीने 'देखा जी देखा मैं' नावाचे एक गाणे रिलीज केले, जे घरगुती हिंसाचाराच्या विषयावर आधारित होते.