मुंबई: दीपिका पदुकोणचे (Bollywood Actress Deepika Padukon) मागच्या काही दिवसांपूर्वी अचानक हार्ट रेट (Heart Attack) वाढल्याने रुग्णालयात दाखल करण्याची वेळ आली होती. दीपिकाने आपल्या अभिनयाची चाहत्यांवर छाप सोडली आहे. नुकतेच काही सिनेमा आणि घडलेल्या काही कॉंट्रोव्हर्सीमुळे कायमच ती चर्चेत होती. तिच्या तब्येतीत थोडे चढ- उतार आल्याने तिला काही दिवसांपूर्वी रुग्णालयात दाखल करण्याची वेळ आली होती. रुग्णालयात दीपिकाच्या डॉक्टरांनी काही टेस्ट करत तिला डिस्चार्जही दिला होता.

दीपिकाला काही दिवसांपूर्वी हृदयाचे ठोके अचानक वाढल्याने तिला रुग्णालयात दाखल करण्याची वेळ आली होती. मीडिया रिपोर्टनुसार मिळालेल्या माहितीनुसार हृदयासंबंधित आजाराचे निदान झाल्याचे बोलले जात होते. दीपिकाला पहिल्यांदाच रुग्णालयात जावे लागलेले नाही. याआधीही ती अनेकदा रुग्णालयात गेलेली आहे. दीपिकाला तो आजार 'Heart Arrhythmia'च्या लक्षणांमुळे झाला होता. मानवी हृदय विशिष्ट वेळेच्या फरकात आणि वेगाने धडकते. या वेळेत जर बदल झाल्यास त्याला हार्ट एरिथमीया म्हणतात.

साधारणत: या आजाराने माणसाला काहीही नुकसान होत नाही. जर आपल्या शरीराच्या महत्वाच्या भागात (मेंदू, हृदय, फुफ्फुस व इतर अवयव) जाणारा रक्तपुरवठा जास्त झाला तर त्याचे गंभीर परिणास होऊ शकतात. तेव्हा आपल्या आरोग्यासाठी हा आजार घातकी ठरु शकतो.

हार्ट एरिथमीयाचे लक्षण?

जेव्हा माणसाला हृदयाचे ठोके चुकणे, मान किंवा छातीत फडफड, रक्तदाब अचानक जास्त अथवा कमी होणे, छातीत दुखणे, श्वास घ्यायला त्रास होणे, चक्कर किंवा थकवा येणे, प्रचंड घाम येणे हे लक्षणे हार्ट एरिथमीयाचे आहेत.

हार्ट एरिथमीया आजाराची अनेक कारणे आहेत त्यात उच्च रक्तदाब, तणाव, नैराश्य, टेन्शन अथवा अॅलर्जी हे देखील हार्ट एरिथमीया आजाराची कारणे आहेत.