मुंबई : मिर्झापूर (Mirzapur) या बहूचर्चित बेव सिरिजमध्ये (Web series) मुन्नाभैयाचा खास मित्र म्हणून भुमिका पार पाडणाऱ्या ललित म्हणजेच अभिनेता ब्रह्म मिश्रा (Actor Brahma Mishra) यांचे निधन झाले आहे. अभिनेता मिश्रा यांनी अनेक हिंदी सिनेमा आणि वेबसिरिज मध्ये कामं केली आहेत.

हे देखील पहा -

मांझी मध्ये पहाडी माणूस म्हणून तसेच केसरी (Kesari) या अक्षय कुमारच्या (Akshay Kumar) चित्रपटांमध्ये देखील त्यांनी काम केलं आहे. अभिनेता ब्रह्म मिश्रा वर्सोव्यातील यारीरोड परिसरातील एका उच्चभ्रू सोसायटीत ते रहात होते. राहत्या फ्लॅटमधील बाथरूमध्ये त्यांचा मृतदेह आढळून आला आहे. मिश्रा याच्या खोलीतून दुर्गंधी येत असल्याने शेजाऱ्यांनी याची माहिती पोलिसांना दिली. पोलिसांनी खोलीचे दार उघडून पाहिले असता. बाथरूममधून ही दुर्गंधी येत होती.

मिश्रा हे बाथरूमला गेले असताना त्याचा मृत्यू झाल्याचे प्राथमिक तपासात समोर आले आहे. कूपर रुग्णालयात (Cooper Hospital) शवविच्छेदनासाठी त्यांचा मृतदेह पाठवण्यात आला असून वर्सोवा पोलिसांनी अपमृत्यूच नोंद करत, अधिक तपास पोलिस करत आहेत.

Edited By - Jagdish Patil