Composer Ricky Kej Won Grammy Award: ग्रॅमी अवॉर्ड्स 2023 चे भारतात आज म्हणजेच 6 फेब्रुवारी रोजी थेट प्रक्षेपण केले जात आहे. यावेळी ग्रॅमी अवॉर्डमध्ये बरेच बदल करण्यात आले आहेत. या अवॉर्ड शोमध्ये काही नवीन पुरस्कारांचा देखील समावेश करण्यात आला आहे. सर्वोत्कृष्ट गीतकार, व्हिडिओ गेम्ससाठी सर्वोत्कृष्ट स्कोअर साउंडट्रॅक आणि इतर अनेक श्रेणींचा ग्रॅमी अवॉर्ड्स २०२३ मध्ये समावेश करण्यात आला आहे.

भारताच्या रिकी केजने ग्रॅमी पुरस्कार पटकावला आहे. डिव्हाईन टाइड्स या अल्बमसाठी त्यांना हा पुरस्कार देण्यात आला आहे. रिकी केजच्या या अल्बमला सर्वोत्कृष्ट इमर्सिव्ह ऑडिओ अल्बम श्रेणीत नामांकन मिळाले होते. ब्रिटीश रॉक बँड 'द पोलिस'चे ड्रमर स्टुअर्ट कोपलँड यांच्यासोबत त्यांनी त्यांचा पुरस्कार शेअर केला.

क्रिस्टीना जेन इराब्लूम (चित्रित द इनव्हिजिबल – फोकस 1), अगुइलेरा (अगुइलेरा), द चेनस्मोकर्स (मेमरीज… डू नॉट ओपन), आणि निडारोसडोमेन्स जेंटकोर आणि ट्रॉन्डहेमसोलस्टीन (तुवाह्यून – बीटिट्यूड्स फॉर अ वूंडेड वर्ल्ड) या श्रेणीतील इतर नामांकित स्पर्धक आहेत.

हा आनंद सर्वांसोबत शेअर करत रिकी केजने त्याच्या ट्विटरवर काही छायाचित्रेही शेअर केली आहेत. ज्यामध्ये त्याच्या हातात पुरस्कार दिसत आहे. ही पोस्ट शेअर करत रिकीने कॅप्शनमध्ये लिहिले की, मी नुकताच तिसरा ग्रॅमी अवॉर्ड जिंकला आहे. मी खूप कृतज्ञ आहे, अवाक आहे! हा पुरस्कार मी भारताला समर्पित करतो.

भारतीय संगीतकार रिकी केज याने सर्वोत्कृष्ट न्यू एज अल्बम श्रेणीमध्ये त्याचा दुसरा ग्रॅमी पुरस्कार जिंकला आहे. रॉक लिजेंड स्टीवर्ट कोपलँडसह त्याने या अल्बमसाठी पुरस्कार देखील जिंकला. 2015 मध्ये, त्याने विंड्स ऑफ संसारसाठी पहिला ग्रॅमी जिंकला होता.