सर्वांचा आवडता शो सीआयडी (CID ) आता लवकरच पुन्हा प्रेक्षकांच्या भेटीला येणार आहे. हा शो तब्बल 6 वर्षांनी पुन्हा प्रेक्षकांचे मनोरंजन करणार आहे. सीआयडीचा प्रोमो समोर आला आहे. यात अभिजीत, दया आणि एसीपी प्रद्युमन पाहायला मिळत आहेत. यांचा पहिला लूक पाहून चाहते शोसाठी खूप उत्सुक असल्याचे पाहायला मिळत आहे.

सीआयडीच्या प्रोमोची सुरुवातच प्रेक्षकांचे लक्ष वेधून घेत आहे. अभिजीत आणि दया डोंगराळ ठिकाणी जिथे खाली दरी आहे. अशा ठिकाणी उभे असलेले पाहायला मिळत आहेत. दया-अभिजीतच्या मैत्रीचे किस्से गाजवणारी त्यांची फ्रेंडशिप कुठे तरी दूर गेलेली पाहायला मिळाली आहे. कारण प्रोमोमध्ये अभिजीत आणि दया एकमेकांच्या विरोधात पाहायला मिळत आहेत. अभिजीतने दयावर गोळी झाडलेली प्रोमोमध्ये दिसत आहे. तर एसीपी प्रद्युमन हे सर्व थांबवण्यासाठी पुढे धाव घेत आहे. मात्र दया स्वतः हून अभिजीतला गोळी झाडायला सांगतो. एकेकाळी एकमेकांचे मित्र असलेले अभिजीत आणि दया आता एकमेकांचे शत्रू झाले आहेत.

सीआयडीचा हा नवा सीझन खूप ट्विस्टने परिपूर्ण असणार आहे. सीआडीने 2018मध्ये प्रेक्षकांचा निरोप घेतला. तब्बल 20 वर्षे या शोने प्रेक्षकांचे मनोरंजन केले आहे. या शोची पात्र आणि शो मधील डायलॉग आजही प्रेक्षक विसरू शकले नाही. नेटकऱ्यांनी या व्हिडीओवर खूप मजेशीर कमेंट केल्या आहेत. सीआयडीच्या प्रोमोवर प्रेक्षकांकडून कमेंट्सचा पाऊस पडत आहे. एसीपी प्रद्युमन आणि त्यांची टीम काय नवा ट्विस्ट घेऊन येणार याकडे प्रेक्षकांचे लक्ष लागून आहे.