बॉलिवूडचा सुपरस्टार विकी कौशलच्या 'छावा'(Chhaava ) चित्रपटाने प्रेक्षकांना वेड लावले आहे. या चित्रपटाने बॉक्स ऑफिसवर धुमाकूळ घातला आहे. आता हा चित्रपट घरबसल्या पाहता येत आहे. तरी देखील चाहते नाराज असल्याची बातमी समोर आली आहे. 'छावा' चित्रपटात विकी कौशल (Vicky Kaushal) आणि साऊथ अभिनेत्री रश्मिका मंदाना (Rashmika Mandanna) यांची जोडी पहिल्यांदा प्रेक्षकांच्या भेटीला आली आहे.

'छावा' चित्रपटातून त्यांनी छत्रपती संभाजी महाराजांची शौर्यगाथा दाखवण्यात आली आहे. 'छावा' चित्रपट काल (11 एप्रिल 2025) ला ओटीटीवर रिलीज झाला. हा चित्रपट नेटफ्लिक्सवर पाहता येत आहे. मात्र 'छावा' ओटीटीवर येऊनही चाहते नाराज आहेत. याचे कारण असे की, 'छावा' फक्त हिंदी भाषेत ओटीटीवर उपलब्ध आहे. मात्र 'छावा' थिएटरमध्ये तेलुगू भाषेतही रिलीज झाला होता.

'छावा' मात्र ओटीटीवर फक्त हिंदी भाषेत 'छावा' पाहता येत असल्याने तेलुगू प्रेक्षक नाराज झाले आहेत. त्यामुळे हिंदीनंतर 'छावा' ओटीटीवर तेलुगू भाषेत पाहता यावा अशी प्रेक्षकांनी आशा व्यक्त केली आहे. 'छावा' चित्रपट 14 फेब्रुवारीला रिलीज झाला. 'छावा' चित्रपटाने खूप कमी वेळात उंच शिखर गाठले आहे.

'छावा' चित्रपट 130 कोटी रुपयांच्या बजेटमध्ये बनवला आहे. 'छावा' हा 2025 चा सर्वात मोठा चित्रपट ठरला आहे. 'छावा' चित्रपटात विकी कौशल छत्रपती संभाजी महाराजांच्या भूमिकेत पाहायला मिळाला. तर साऊथ अभिनेत्री रश्मिका मंदाना महाराणी येसूबाईची भूमिकेत दिसली. औरंगजेबाची भूमिका अभिनेता अक्षय खन्नाने साकारली आहे. चित्रपटात अनेक मराठी कलाकारही झळकले आहे. मराठी अभिनेता संतोष जुवेकरने रायाजी ही भूमिका केली आहे.