मुंबई : छत्रपती संभाजी महाराजांच्या जीवनावर आधारित छावा बॉक्स ऑफिसवर धुमाकूळ घालतोय. महाराष्ट्रातील ऐतिहासिकदृष्ट्या महत्वाचं असलेल्या सुंदर लोकेशन्सवर या चित्रपटाचे शुटींग झाले आहे. छावा चित्रपटातील लक्षवेधी सीन महाराष्ट्रातील ११० फूट खोल विहीरीत असलेल्या गुप्त राजवाड्यात शूट झालाय. नेमकं हे ठिकाण कुठे आहे ते आपण सविस्तर जाणून घेऊया.

अभिनेता विकी कौशलने सिनेमात संभाजी महाराजांचा इतिहास आपल्या अभिनयाने मांडण्याचा खूप चांगल्या पद्धतीने प्रयत्न केला आहे. अभिनेता विकी कौशल याच्या अभिनयाचे सर्वत्र कौतुक होत आहे. चित्रपटात एका सीनमध्ये अभिनेता विकी कौशल एका मोठ्या शिवलिंगसमोर पूजा करताना दिसत आहे. चित्रपटाच्या ट्रेलरमध्ये देखील हा सीन पाहायला मिळतो. हा सीन जिथे शूट झालाय ती ऐतिहासीक वास्तू महाराष्ट्रातील सातारा जिल्ह्यात आहे. बारा मोटेची विहीर असं या वास्तूचं नाव आहे.

गुप्त विहीरीत भव्य राजवाडा आहे. सातारा जिल्ह्यातील लिंब या गावामध्ये जवळपास ही अनोखी विहीर आहे. लिंब हे गाव साताऱ्यापासून १६ किमी आणि पुण्यापासून १९ किमी अंतरावर आहे. ३०० वर्षांपूर्वी बांधण्यात आलेली ही ऐतिहासिक विहीर ही बारा मोटेची विहीर या नावाने ओळखली जाते. या विहिरीत चक्क एक महाल बांधण्यात आला. या विहीरीचे एणखी एक वैशिष्ट्य म्हणजे गेल्या ३०० वर्षात ही विहीर कधीही कोरडी झाली नाही.

छत्रपती संभाजी महाराजांच्या इतिहासावर आधारित छावाच्या गर्जनेने बॉक्स ऑफिस हादरुन गेलंय. अभिनेता विकी कौशलच्या छावा चित्रपटाने पहिल्याच दिवशी कमाईचा नवा उच्चांक गाठलाय. अभिनेता विकी कौशलने छत्रपती संभाजी महाराजांची तर रश्मिका मंदानाने महाराणी येसूबाईंची भूमिका साकारलीय. छावा चित्रपटाने पहिल्या दिवशी बॉक्स ऑफिसवर धुमाकूळ घालत ३१ कोटींचा गल्ला जमवलाय.