ऋतुजा कदम, साम टीव्ही

गीतकार जावेद अख्तर यांनी मुंबईत नवीन घर खरेदी केलं आहे. मुंबईच्या प्रसिद्ध जुहू परिसरात त्यांनी नवीन घर खरेदी केलं आहे. जुहू या परिसरात अनेक सेलिब्रिटी राहतात. बिग बी अमिताभ बच्चन, शत्रुघ्न सिन्हा, अजय देवगण आणि काजोल, हृतिक रोशन, अक्षय कुमार, गोविंदा अशा अनेक दिग्गज सिनेकलाकारांची घरं याच परिसरात आहेत.

जुहू परिसरात अनेक उच्चभ्रू सोसायटी आहेत. जुहू हा अतिशय गजबजलेला असा परिसर आहे. याठिकाणी समुद्रकिनारा लाभल्याने कायमच गर्दी असते. बॉलिवूड आणि टीव्ही जगतातील अनेक सेलिब्रिटी जुहू परिसरात राहतात. जुहू हा परिसर ९०च्या दशकात मुंबईकरांच्या पसंतीत उतरला होता. आजही अनेक पर्यटक हे जुहू परिसराला भेट देण्यास प्राधान्य देतात. त्यामुळे जुहू हे कायमच आकर्षणाचा केंद्रबिंदू ठरलेलं आहे. जुहूमधील घरांना कलाकार, सेलिब्रिटी, नेतेमंडळीयांची पसंती असते. बॉलिवूडमधील अनेक सिनेकलारांची घरं ही जुहूतील किनाऱ्यालगत आहेत. सी-फेसिंग व्ह्यूसाठी विशेष मागणी असते.

याच जुहू परिसरात जावेद अख्तर यांनी कोट्यवधी रुपयांची मालमत्ता खरेदी केली आहे. मुंबईतील सुप्रसिद्ध भागात असलेल्या जुहू येथील सागर सम्राट बिल्डिंगमध्ये ही मालमत्ता आहे. जुहू त्याच्या सुंदर समुद्रकिनाऱ्यासाठी प्रसिद्ध आहे. सूर्यास्त पाहण्यासाठी आणि सायंकाळी फेरफटका मारण्यासाठी याठिकाणी अनेक चांगले स्पॉट आहेत. त्यामुळे अशा समृद्ध ठिकाणीच आता जावेद अख्तर यांचंही घर आहे.

शेजारच्या परिसरात अनेक आलिशान इमारती आणि सेलिब्रिटींची घरे आहेत. साहजिकच जुहू परिसराचं ग्लॅमर वाढले आहे. ‘स्कवेअर यार्ड्स’ या वेबसाईटने दिलेल्या माहितीनुसार, जावेद अख्तर यांनी 111.43 स्क्वेअर मीटरचे 7.76 कोटींचं घर विकत घेतलंय. हे रेडी-टू-मूव्ह-इन अपार्टमेंट असल्याची माहिती आहे. 2 जुलै रोजी पूर्ण झालेल्या या घराच्या व्यवहारात 46.2 लाख रुपये स्टॅम्प ड्युटी भरली आहे. तर, 30 हजार रुपयांचे नोंदणी शुल्क भरले आहे.

जावेद यांचं जूनं घरंही मुंबईच्या जुहू याच परिसरात होतं. जुन्या अपार्टमेंटजवळच आता जावेद अख्तर यांनी नव्या घराची खरेदी केलेली आहे. जुहू या परिसरात अनेक सेलिब्रिटींची घरं असल्यामुळे हा परिसर गजबजलेला असतो. त्यांची आलिशान घरं पाहण्यासाठी लोकांची, पर्यटकांची त्यांच्या घराबाहेर गर्दी असते. या कलाकारांची मोठी मोठी घरे आता मुंबईत येणाऱ्या पर्यटकांसाठी आकर्षणाचा विषय बनलेले आहेत.

हिंदी चित्रपटसृष्टीतील लेखणीचे जादूगार अशी जावेद अख्तर यांची ओळख आहे. गाणी, गझल, चित्रपट, संगीत आणि पटकथांद्वारे चित्रपटविश्वात यांनी एक वेगळे स्थान निर्माण केलं आहे. जावेद अख्तर आणि पटकथाकार सलीम खान यांनी प्रेक्षकांना शोले, जंजीर, दीवार असे अनेक सर्वोत्कृष्ट चित्रपटांच्या पटकथा आणि कहाण्या दिल्या.