एक मोठी बातमी बॉलिवूडमधून समोर येत आहे. प्रसिद्ध विनोदी कलाकार कपिल शर्माच्या अडचणीत वाढ होण्याची शक्यता आहे. कपिल शर्माला तब्बल १ कोटी रूपांची खंडणीची धमकी दिल्याचा धक्कादायक प्रकार उघडकीस आला आहे. या प्रकरणी गुन्हे शाखेनं तपास करून पश्चिम बंगालमधून आरोपीला ताब्यात घेतलं आहे.

दिलीप चौधरी असं अटक केलेल्या आरोपीचे नाव आहे. दिलीप चौधरीने कपिल शर्माला १ कोटी रुपयांची खंडणीची धमकी दिली होती. गुंड रोहित गोदारा आणि गोल्डी ब्रार यांच्या नावाचा वापर करून त्यानं पैसे उकळण्याचा प्रयत्न केला. २२-२३ सप्टेंबर दरम्यान शर्माला अनेक धमकीचे कॉल आले होते.

कपिल शर्माने पोलिसांना याची माहिती दिली. पोलिसांनी तपास केला. मुंबई गुन्हे शाखेने पश्चिम बंगालमध्ये चौधरीला शोधून काढलं. नंतर त्याला अटक केली. पोलिसांनी त्याला ३० सप्टेंबरपर्यंत पोलीस कोठडी सुनावली आहे. दिलीप चौधरी असे आरोपीचे नाव आहे. आरोपीने कुख्यात गुंड रोहित गोदारा आणि गोल्डी ब्रार यांच्या नावाने शर्माला धमकी दिली असल्याची माहिती आहे.

पोलिस अधिकाऱ्यांच्या म्हणण्यानुसार, आरोपीने केवळ धमकीचे फोन कॉल केले नाहीत तर शर्माला धमकी देणारे व्हिडिओ देखील पाठवले. २२ ते २३ सप्टेंबर दरम्यान, शर्माला आरोपीकडून सात धमकीचे फोन आले. शिवाय, त्याला दुसऱ्या नंबरवरूनही धमकी देण्यात आली होती. या प्रकरणानंतर बॉलिवूडमध्ये खळबळ उडाली.