Sidharth Malhotra And Disha Patani :

बॉलिवूड (Bollywood) अभिनेता सिद्धार्थ मल्होत्रा (Sidharth Malhotra) आणि अभिनेत्री दिशा पाटनी (Disha Patani) सध्या त्यांच्या अपकमिंग 'योद्धा' चित्रपटामुळे (Yodha Movie) चर्चेत आहे. दोघांचेही चाहते त्यांच्या या चित्रपटाची आतुरतेने वाट पाहत आहेत. या चित्रपटाच्या पोस्टरनंतर १९ फेब्रुवारीला या चित्रपटाचा धमाकेदार टीझर प्रदर्शित करण्यात आला होता. त्यानंतर आता या चित्रपटातील पहिलं गाणं प्रेक्षकांच्या भेटीला येण्यासाठी सज्ज झाले आहे. या चित्रपटातील 'जिंदगी तेरे नाम' (zindagi tere naam song) हे गाणं २४ फेब्रुवारीला प्रदर्शित होणार आहे. नुकताच या गाण्याचा टीझर आऊट करण्यात आला. या गाण्याचा टीझर प्रेक्षकांना प्रचंड आवडला.

राशी खन्ना आणि सिद्धार्थ मल्होत्रा ​​अभिनीत 'योद्धा' चित्रपटाच्या पहिल्या गाण्याचा टीझर प्रदर्शित झाला आहे. प्रेक्षकांना चित्रपटासोबतच या गाण्याची उत्सुकता लागली आहे. 'जिंदगी तेरे नाम' या गाण्याच्या टीझरमध्ये राशी खन्ना आणि सिद्धार्थ मल्होत्रा ​​यांच्यातील खास केमिस्ट्रीची झलक पाहायला मिळत आहे. राशी आणि सिद्धार्थ यांची ऑनस्क्रीन झलक पडद्यावर बघायला मिळणार आहे. या गाण्याच्या टीझरने प्रेक्षकांना या गाण्याची छोटी झलक दाखवली आहे. २४ फेब्रुवारीला म्हणजे उद्या या चित्रपटातील हे गाणं रिलीज होणार आहे.

'योद्धा' चित्रपटातील 'जिंदगी तेरे नाम' हे गाणं कौशल किशोर यांनी लिहिले आहे. तर विशाल मिश्राने हे गाणं गायलं आहे. सागर आंब्रे आणि पुष्कर ओझा यांनी हे गाणं दिग्दर्शित केले आहे. योद्धा चित्रपट येत्या १५ मार्च २०२४ ला प्रदर्शित होणार आहे. राशी खन्नाचा सिद्धार्थ मल्होत्रासोबतचा हा पहिला प्रोजेक्ट आहे. या चित्रपटाद्वारे या दोघांनी पहिल्यांदाच स्क्रीन शेअर केली आहे. त्याची केमिस्ट्री पाहण्यासाठी चाहते खूपच उत्सुक आहेत.

करण जोहरच्या 'योद्धा' चित्रपटात सिद्धार्थ मल्होत्रा, दिशा पटानी आणि राशी खन्ना महत्त्वाच्या भूमिकेत दिसणार आहेत. रिपोर्ट्सनुसार, योधा फिल्म धर्मा प्रोडक्शनची पहिली एरियल ॲक्शन फ्रँचायझी आहे. राशी खन्नाच्या वर्कफ्रंटबद्दल सांगायचे झाले तर, राशी लवकरच 'योद्धा' चित्रपटाच्या माध्यमातून प्रेक्षकांच्या भेटीला येणार आहे. राशी 'द साबरमती रिपोर्ट' आणि 'टीएमई' मध्ये विक्रांत मैसीसोबत दिसणार आहे. यासोबतच शाहिद कपूरच्या 'फर्जी 2' चित्रपटामध्ये ती पुन्हा एकदा बघायला मिळणार आहे.