Dunki Movie:

'पठाण' (Pathan) आणि 'जवान'च्या (Jawan Movie) ब्लॉकबस्टर यशानंतर आता बॉलिवूडचा 'किंग खान' अर्थात अभिनेता शाहरुख खान (Shah Rukh Khan) त्याच्या आगामी 'डिंकी' चित्रपटाच्या माध्यमातून प्रेक्षकांच्या भेटीला येणार आहे. 'पठान' आणि 'जवान'नंतर आता 'डंकी' (Dunki Movie) देखील बॉक्स ऑफिसवर धुमाकूळ घालण्यासाठी सज्ज झाला आहे. या चित्रपटाची सध्या सगळीकडे चर्चा होत आहे. शाहरुखचे चाहते त्याच्या या चित्रपटाची आतुरतेने वाट पाहत आहेत. अशामध्ये डंकीमधील दुसरं गाणं रिलीज झाले आहे. ज्याला प्रेक्षकांकडून खूप चांगली पसंती मिळत आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

शाहरुख खान आणि तापसी पन्नू यांचा 'डंकी' 21 डिसेंबरला प्रदर्शित होणार आहे. शाहरुख खानच्या या चित्रपटाच्या प्रत्येक अपडेटसाठी चाहते उत्सुक आहेत. आता शाहरुख खानच्या 'डंकी' चित्रपटाचे नवीन अपडेट समोर आले आहे. निर्मात्यांनी 'डिंकी ड्रॉप 3'मधील दुसरं गाणं रिलीज केलं आहे. हे गाणं सध्या प्रेक्षकांचे लक्ष वेधून घेत आहे. 'निकले थे कभी हम घर से' हे डंकी चित्रपटातील दुसरं गाणं आहे. हे गाणं खूपच भावनिक आहे. यामधील शाहरुख आणि तापसीला पाहून चाहते इमोशनल झाले आहेत.अवघ्या काही तासांमध्येच सोशल मीडियावर हे गाणं लोकप्रिय झाले आहे.

शाहरुख खानच्या 'डंकी' चित्रपटातील 'निकले थे कभी हम घर से' हे नवीन गाणं शुक्रवारी रिलीज झाले आहे. हे गाणं ऐकून तुम्ही देखील भावूक व्हाल. हे गाणे जावेद अख्तर यांनी लिहिले असून सोनू निगमने गायले आहे. हे गाणं प्रेक्षकांना प्रचंड आवडत आहे. शाहरुख खानने हे गाणं त्याच्या सोशल मीडिया अकाउंटवर शेअर केले आहे. शाहरुख खानने या गाण्यासोबत खास मेसजही लिहिला आहे.

या पोस्टमध्ये शाहरुख खानने लिहिले की, 'आज असंच मनामध्ये हे गाणं आलं म्हणून मी तुमच्यासोबत शेअर करत आहे. नावावरून राजू आणि सोनू हे आपल्यापैकीच एक आहेत असं वाटत आहे. हे गाणं या दोघांनी बनवलं आहे आणि ते ही आपलेच आहे. आपल्या घरच्यांचे आहे...आपल्या मातीचे आहे... आपल्या देशाच्या भूमीतील शांततेसाठी आहे...कधी कधी आपण सगळेच आपल्या घरापासून, गावापासून, शहरापासून दूर जातो, आयुष्य घडवायला. पण आपले हृदय आपल्या घरात, देशातच असते.'

दरम्यान, राजकुमार हिरानी दिग्दर्शित शाहरुख खानचा 'डिंकी' हा चित्रपट 21 डिसेंबरला प्रदर्शित होणार आहे. राजकुमार हिरानी आणि शाहरुख खान हे या चित्रपटाच्या माध्यमातून पहिल्यांदाच एकत्र काम करत आहेत. 'डिंकी' चित्रपटात शाहरुख खानशिवाय तापसी पन्नू, विकी कौशल आणि बोमन इराणी हे कलाकार देखील महत्त्वाच्या भूमिकेत दिसणार आहेत.