Amitabh Bachchan On Rashmika Mandanna:

सोशल मीडिया (Social Media) प्लॅटफॉर्मवर सेलिब्रिटींचे एडिट केलेले अनेक फोटो आणि व्हिडीओ दररोज लीक होत असतात. हे व्हिडीओ सोशल मीडियावर धुमाकूळ घालतात. अशामध्ये आता साऊथ अभिनेत्री रश्मिका मंदान्नाचा (Rashmika Mandanna) एक मॉर्फ व्हिडीओ सोशल मीडियावर व्हायरल होत आहे.

रश्मिका मंदान्नाच्या या एडिटेड व्हिडिओवर तिच्या चाहत्यांनी तीव्र नाराजी व्यक्त केली आहे. या व्हिडीओवर आता बॉलिवूडचे महानायक अमिताभ बच्चन (Amitabh Bachchan) यांनी प्रतिक्रिया दिली आहे. बिग बी संतप्त होत त्यांनी कायदेशीर कारवाईची मागणी केली आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अभिनेत्री रश्मिका मंदान्नाचा एक व्हिडिओ रविवारी सोशल मीडियावर व्हायरल झाला. या व्हिडीओमध्ये अभिनेत्री काळ्या रंगाच्या डीप नेक टाइट जिम वेअरमध्ये लिफ्टच्या आतमध्ये आल्याचे दिसत. रश्मिकाचा हा बोल्ड व्हिडिओ सोशल मीडियावर व्हायरल होताच चाहते संतापले. हा व्हिडीओ रश्मिकाचा आहे का की इतर कोणाचा हे याची माहिती करून न घेता नेटिझन्स त्यावर कमेंट्स करून संताप व्यक्त करू लागले. खरं तर व्हिडिओमध्ये दिसणारी रश्मिका नसून झारा पटेल आहे.

अमिताभ बच्चन यांनी रश्मिका मंदान्नाचा मॉर्फ (MORPH) केलेला व्हिडिओ व्हायरल झाल्यानंतर नाराजी व्यक्त करत तीव्र संतापही व्यक्त केला आहे. बिग बींनी याप्रकरणी कायदेशीर कारवाईची मागणी केली आहे. अमिताभ बच्चन यांनी आपल्या एक्स म्हणजेच ट्विटर अकाऊंटवर रश्मिकाचा व्हिडीओ शेअर करत कॅप्शनमध्ये 'होय, हे कायदेशीरदृष्ट्या मजबूत केस आहे.' असे लिहिले आहे. अमिताभ बच्चन यांनी रश्मिका मंदान्नासोबत 'गुडबाय' या चित्रपटामध्ये काम केले होते.

इतकेच नाही तर बिग बींनी व्हायरल व्हिडिओचे सत्य स्पष्ट करणारा आणखी एक व्हिडिओही शेअर केला आहे. ज्यामध्ये झारा पटेल दिसत आहे. क्लिपसोबत अमिताभ यांनी कॅप्शनमध्ये लिहिले की, 'माहिती' रश्मिका मंदान्नाच्या या व्हायरल व्हिडीओवर एका युजरने कमेंट्स करत तो फेक असल्याचे म्हटले आहे. या युजरने रश्मिकाच्या मॉर्फ व्हिडीओचा मूळ व्हिडीओ सोशल मीडियावर शेअर करत असे लिहिले की, 'भारतात डीपफेकशी निगडीत कायदेशीर आणि नियामक फ्रेमवर्कची तातडीने गरज आहे. रश्मिका मंदान्नाचा हा व्हायरल व्हिडिओ तुम्ही इन्स्टाग्रामवर पाहिला असेल, पण थांबा. हा झारा पटेलचा डीपफेक व्हिडिओ आहे.'