बॉलिवूड (Bollywood) अभिनेत्री स्वरा भास्करच्या (Swara Bhaskar) घरी लवकरच नव्या पाहुण्याचं आगमन होणार आहे. स्वरा भास्कर आई होणार असल्यामुळे खूपच खूश आहे. स्वराचे कुटुंबीय नव्या पाहुण्याची आतुरतेने वाट पाहत आहेत. सोशल मीडियावर सक्रीय असणाऱ्या स्वरा भास्करने नुकताच मॅटर्निटी फोटोशूटचे फोटो शेअर केले आहेत.
या फोटोशूटमध्ये स्वरा भास्करने आपला बेबीबंप फ्लॉन्ट केला आहे. स्वराचे मॅटर्निटी फोटोशूटचे फोटो सध्या सोशल मीडियावर व्हायरल होत आहेत. एकीकडे हे फोटो पाहून स्वराच्या चाहत्यांनी तिचे कौतुक केले आहे तर दुसरीकडे काहींनी तिला चांगलेच ट्रोल केले आहे.
स्वरा भास्कर ट्रोल होण्यामागचे कारण म्हणजे तिचे मॅटर्निटी फोटोशूट नाही तर तिने फोटोशूटसाठी परिधान केलेला भगव्या रंगाचा ड्रेस हे आहे. फोटोशूटसाठी स्वराने भगव्या रंगाचा हाई स्लिट ड्रेस परिधान केला आहे. स्वराचे हे मॅटर्निटी फोटो व्हायरल होताच नेटिझन्स तिला ट्रोल करत आहेत. तिच्या डाव्या विचारधारेवरून तिला ट्रोल केले जात आहे. त्याचसोबत नेटिझन्स तिला तिच्या ड्रेसचा रंग आणि फोटोशूटसाठी बॅकग्राऊंडला असलेल्या भगव्या रंगावरून देखील तिला ट्रोल करत आहेत.
स्वराने भगव्या रंगाचा थाई- हाई स्लिट मॅक्सी ड्रेस परिधान केला आहे. ज्याला हॉल्टर नेक आहे. स्वराने आपले मॅटर्निटी फोटो आपल्या अधिकृत इन्टाग्राम अकाऊंटवर शेअर करत त्याला सुंदर कॅप्शन देखील दिले आहे. तिने लिहिले की, 'प्रेग्नेंसी... पण त्याला 'फॅशन' बनवा! टॅलेंडेट @memoriesbybarkha सोबत या सहज कॅज्युअल शूटसाठी पूर्ण ग्लॅम मोडमध्ये कॅमेऱ्यासमोर येणं खूप मजेदार आहे. प्रग्नेंसी कोणत्याही इतर वेळेप्रमाणे ग्लॅमरसाठी चांगली वेळ आहे.'
स्वरा भास्करचे मॅटर्निटी फोटो पाहून काहींनी तिला येणाऱ्या नव्या पाहुण्यांसाठी शुभेच्छा दिल्या आहेत. काही यूजर्स मात्र तिला ट्रोल करत आहेत. एका यूजरने लिहिले की, 'पार्श्वभूमीत भगवा, अजून किती अपमानित करणार अंधभक्त स्वरा.' एका यूजरने लिहिले की, 'ही सनातनी संस्कृती नाही, लाज वाटते.' तर अशाप्रकारच्या अनेक कमेंट्स करत स्वराला ट्रोल करण्यात येत आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.