Ranbir Kapoor Animal Movie:

बॉलिवूड (Bollywood) सुपरस्टार रणबीर कपूर (Ranbir Kapoor) सध्या त्याचा बहुप्रतीक्षित 'ॲनिमल' चित्रपटामुळे (Animal Movie) चांगलाच चर्चेत आहे. हा चित्रपट 1 डिसेंबर 2023ला प्रेक्षकांच्या भेटीला येणार आहे. नुकताच 'ॲनिमल'चा धमाकेदार ट्रेलर रिलीज झाला. चित्रपटाचा ट्रेलर पाहून प्रेक्षकांच्या अंगावर काटा आला. या ट्रेलरमधील रणबीरचा लूक आणि अभिनय प्रेक्षकांना खूप आवडला.

दिल्लीतील एका कार्यक्रमादरम्यान निर्मात्यांनी 'ॲनिमल'चा ट्रेलर मोठ्या धूमधडाक्यात रिलीज केला. ट्रेलर लॉन्च इव्हेंटमध्ये रणबीर कपूरने ॲनिमलची तुलना फॅमिली ड्रामा फिल्म 'कभी खुशी कभी गम'शी केली. रणबीर कपूर म्हणतो की हा चित्रपट 'कभी खुशी कभी गम' असा ॲडल्ट रेट आहे. रणबीर या मुलाखतीमध्ये नेमकं असं का म्हणाला हे आपण जाणून घेणार आहोत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पहिल्यांदाच रणबीर कपूरचा रोमान्स आणि कॉमेडी त्याच्या आगामी चित्रपटामध्ये पाहायला मिळणार नाही. कारण 'ॲनिमल' चित्रपटात तो ग्रे शेडमध्ये दिसणार आहे. दिल्लीतील मुलाखतीमध्ये रणबीर कपूरने या चित्रपटाचे वर्णन अडल्ट 'कभी खुशी कभी गम' असे केले होते. रणबीर कपूर ट्रेलर रिलीजवेळी माध्यमांशी बोलताना या चित्रपटाच्या थीमकडे बोट दाखवून सीबीएफसीकडून प्रमाणपत्र मिळाल्याची प्रतिक्रिया दिली.

रणबीर कपूरनेही या कार्यक्रमात सांगितले की, 'माझी मुलगी राहाचा जन्म तो चित्रपटाचे शूटिंग करत असताना झाला. अशा परिस्थितीत गंभीर भूमिका करून घरी जाणे मला आवडले.' रणबीर कपूर पुढे म्हणाला की, 'मी वेगळा माणूस आहे. मी माझे पात्र घरी घेऊन जात नाही. हे माझ्या कुटुंबीयांसाठी चांगले नाही. आणि जर मी घरी जाऊन असे कृत्य केले तर माझी बायको मला मारहाण करेल.'

ॲनिमल मूव्हीचे दिग्दर्शक संदीप रेड्डी वंगा यांनीही सोशल मीडियावर चित्रपटाला ए प्रमाणपत्र मिळणार असल्याची माहिती दिली होती. यासोबतच दिग्दर्शकाने सांगितले की, चित्रपटाचा रनटाइम 3 तास 21 मिनिटे 23 सेकंद असेल. आणि 16 फ्रेम्स. रणबीर कपूरसोबत, रश्मिका मंदान्ना, बॉबी देओल, अनिल कपूर यांच्यासह अनेक कलाकार 'ॲनिमल'मध्ये महत्त्वाच्या भूमिकेत दिसणार आहेत. हा चित्रपट येत्या 1 डिसेंबर 2023 रोजी प्रदर्शित होणार आहे. सध्या या चित्रपटाची टीम प्रमोशनमध्ये व्यस्त आहे.