बॉलिवूडचा किंग खान अर्थात शाहरुख खानने ‘व्हॅलेंटाईन डे’च्या (Valentine Day) दिवशी चाहत्यांना सरप्राईज देत सर्वांचेच लक्ष वेधलेय. सध्या अभिनेता सोशल मीडियावर त्याच्या जबरदस्त कामगिरीमुळे प्रचंड चर्चेत आहे.
किंग खान साठीच नाही तर त्याच्या चाहत्यांसाठी २०२३ हे वर्ष फार खास ठरले. त्याच्या तिनही चित्रपटांनी बॉक्स ऑफिसवर दमदार कमाई केली. त्यातीलच एक चित्रपट म्हणजे राजकुमार हिराणी दिग्दर्शित (Director Rajkumar Hirani) ‘डंकी’ चित्रपट (Dunki Movie) होय. चित्रपट गेल्या वर्षी २१ डिसेंबरला रिलीज झाला होता. तब्बल दोन महिन्यांनंतर किंग खानचा चित्रपट ओटीटीवर रिलीज झाला आहे. (Bollywood Film)
अभिनेत्याने चाहत्यांना ऐन ‘व्हॅलेंटाईन डे’च्या दिवशी चाहत्यांना सरप्राईज दिला आहे. किंग खानचा ‘डंकी’ चित्रपट आज अर्थात १५ फेब्रुवारीला ओटीटीवर रिलीज झाला आहे. शाहरूख खान आणि तापसी पन्नुचा ‘डंकी’ चित्रपट नेटफ्लिक्स या ओटीटी प्लॅटफॉर्मवर रिलीज झाला आहे. चित्रपटामध्ये प्रमुख भूमिकेत शाहरूख आणि तापसी व्यतिरिक्त बोमन इराणी आणि विकी कौशल मुख्य भूमिकेत आहे. रात्री १२ वाजता नेटफ्लिक्सने इन्स्टाग्रामवर पोस्ट करत ‘डंकी’ चित्रपट ओटीटीवर रिलीज झाला असल्याची माहिती दिली. (Bollywood News)
इन्स्टाग्राम पोस्टला कॅप्शन दिले की, “लवकरात लवकर आपल्या बॅगा भरा. किंग खानचा ‘डंकी’ थिएटरमधून थेट तुमच्या घरी येतोय. १५ फेब्रुवारीपासून ‘डंकी’ चित्रपट ‘नेटफ्लिक्स’या ओटीटी प्लॅटफॉर्मवर रिलीज झाला आहे.” (OTT)
राजकुमार हिराणी दिग्दर्शित ‘डंकी’ चित्रपटाने बॉक्स ऑफिसवर एकट्या भारतात २१९. २७ कोटींची कमाई केली आहे. तर जगभरामध्ये चित्रपटाने ४३० कोटींची कमाई केली आहे. चित्रपटाला बॉक्स ऑफिसवर दमदार प्रतिसाद मिळाला आहे. (Netflix)
शाहरुखच्या या ‘डंकी’ चित्रपटाचा बजेट फारच कमी होता. त्याचा हा गेल्या सहा वर्षातील सर्वात कमी बजेट असलेल्या चित्रपटांपैकी एक चित्रपट होता. किंग खानचा यापूर्वी ‘जब हॅरी मेट सेजल’ हा चित्रपट सर्वात कमी बजेट असलेला चित्रपट होता. त्या चित्रपटाचे बजेट ९० कोटी इतके बजेट होते. तर राजकुमार हिरानी दिग्दर्शित ‘डंकी’ चित्रपटाचा बजेट केवळ ८५ कोटी इतकाच आहे. मीडिया रिपोर्टनुसार, हा बजेटचा आकडा केवळ चित्रपटाचा बजेटच आहे. त्यामध्ये स्टार कास्टच्या फीचा समावेश नाही. एकंदरीतच सर्व खर्च पकडून चित्रपटाचे एकूण बजेट १२० कोटी इतके आहे. (Entertainment News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.