Crew 2nd Day Box Office Collection

करीना कपूर खान, क्रिती सेनन आणि तब्बू यांचा ‘क्रू’ हा बहुप्रतिक्षित चित्रपट अखेर २९ मार्च रोजी थिएटरमध्ये रिलीज झालेला आहे. तिघींनीही या चित्रपटामध्ये आपल्या अभिनयाच्या माध्यमातून जोरदार धुमाकूळ घातला आहे. (Bollywood)

‘क्रू’ चित्रपटाला चाहत्यांकडून दमदार प्रतिसाद मिळताना दिसत आहे. चित्रपटाने जबरदस्त ओपनिंग करत सगळ्यांचे लक्ष वेधून घेतले आहे. पहिल्या दिवसाप्रमाणेच दुसऱ्या दिवशीही चित्रपटाने दमदार कमाई केलेली आहे. नुकतंच चित्रपटाची दुसऱ्या दिवसाची कमाई समोर आली आहे. जाणून घेऊया दुसऱ्या दिवसाच्या कमाईबद्दल (Bollywood Film)

पोस्टर, टीझर आणि ट्रेलरने प्रेक्षकांचे लक्ष वेधून घेतले होते. चाहत्यांमध्ये चित्रपटाबद्दलची उत्सुकता तर खूपच होती. थिएटरमध्ये चित्रपटाला खूप चांगला प्रतिसाद मिळत असल्याचं दिसत आहे. ‘सॅकनिल्क’ च्या वृत्तानुसार, ‘क्रू’ने पहिल्या दिवशी भारतात ९.२५ कोटी रुपयांची कमाई केली आहे. तर जगभरात या चित्रपटाने २०.०७ कोटी रुपयांची कमाई केली आहे. तर शनिवारी म्हणजेच दुसऱ्या दिवशी चित्रपटाने भारतामध्ये, ९.६० कोटींची कमाई केलेली आहे. तर दुसऱ्या दिवशी चित्रपटाने जगभरामध्ये १० कोटींची कमाई केलेली आहे. (Bollywood News)

'क्रू' चित्रपटाचे कथानक, एका दिवाळखोर विमान कंपनीत काम करणाऱ्या तीन एअर होस्टेसचे कथानक आहे. तिघेही आपापल्या आयुष्यातील समस्यांमध्ये अडकले आहेत. विमान कंपनीमध्ये काम करूनही पगार मिळत नाही. त्या तिघीही जेव्हा चुकीचं काम करतात, त्यावेळी कथेमध्ये एक वेगळाच ट्वीस्ट येतो. त्या तिघीही काय चुकीचं काम करतात?, ते काम केल्याने त्यांच्या अडचणीत कशी वाढ होते? हे सगळं चित्रपट पाहिल्यावरंच कळतं. (Bollywood Actress)

तब्बू, करीना कपूर आणि क्रिती सेनॉन व्यतिरिक्त चित्रपटामध्ये, दिलजीत दोसांझ, कॉमेडियन कपिल शर्मा, सास्वता चॅटर्जी, राजेश शर्मा आणि कुलभूषण खरबंदा यांचाही समावेश आहे. चित्रपटाचे दिग्दर्शन राजेश ए कृष्णन यांनी केले आहे. (Entertainment News)