बॉलिवूडची 'स्त्री' कायमच आपल्या खास अंदाजाने चाहत्यांच्या मनात घर करत असते. अभिनेत्री श्रद्धा कपूर (Shraddha Kapoor) सध्या 'स्त्री 2' या चित्रपटामुळे चांगलीच चर्चेत आली आहे. श्रद्धा कपूरचा मोठा चाहता वर्ग आहे. अनेक चाहते तिच्या स्वभावावर घायाळ होतात. सध्या असाच एक व्हिडीओ सोशल मीडियावर व्हायरल होत आहे. हा व्हिडीओ पाहून नेटकरी श्रद्धावर प्रेमाचा वर्षाव करत आहेत.

व्हायरल होणाऱ्या व्हिडीओमध्ये तुम्ही पाहू शकता की, श्रद्धा एका कार्यक्रमाला गेलेली असताना एक महिला तिला केक भरवत आहे. तेव्हा श्रद्धा त्यातील थोडा केक घेते आणि बाकीचा त्या महिलेला भरवते. तसेच शेवटी ती हात जोडून त्या महिलेला थँक्यू देखील बोलते. तसेच जाताना ती या महिलेची गळाभेटही घेते. हे पाहून सर्वच भारावून गेले आहेत. श्रद्धाचा हा व्हिडीओ सोशल मीडियावर तुफान व्हायरल होत आहे.

श्रद्धाच्या या व्हिडीओवर अनेक कमेंट्स येत आहे. श्रद्धाच्या समजूतदारपणाचे सर्वत्र कौतुक होताना पाहायला मिळत आहे. एका यूजरने लिहिलं की, "बॉलिवूड इंडस्ट्रीमधील प्रेमळ हृदयाची मुलगी, कायम पाय जमिनीवर" अशा अनेक कमेंट्स तिच्या या व्हिडीओवर येत आहे. श्रद्धाच्या संस्कारांचं सर्वत्र कौतुक होत आहे.

श्रद्धा कपूर सोशल मीडियावर खूप सक्रिय असते. तिचे 93.8 मिलियन इन्स्टाग्रामवर फॉलोअर्स आहेत. तिला नेहमीच चाहत्यांकडून प्रेम मिळत असते. श्रद्धा कपूरच्या 'स्त्री 2' बॉक्स ऑफिसवर धुमाकूळ घातला आहे. श्रद्धा कपूरच्या नवीन प्रोजेक्टची चाहते आतुरतेने वाट पाहत आहेत.