Virat Anushka Wedding Anniversary: अभिनेत्री अनुष्का शर्मा आणि भारतीय क्रिकेट संघाचा खेळाडू विराट कोहली यांची प्रेमकहाणी लग्नाआधी आणि लग्नालनंतर बरीच चर्चेत आहे. या दोघांनीही एकमेकांना ११ डिसेंबर २०१७ ला इचलीमध्ये सात जन्म एकमेकांसोबत राहण्याचे वचन दिले होते.

बऱ्याचदा अनुष्का विराटची मॅच पाहण्यासाठी पोहोचली होती, तिथे ही ती कॅमेऱ्याच्या गऱ्हाळ्यात दिसली होती. सध्या अनुष्का एका चित्रपटाच्या शुटिंगमध्ये व्यग्र आहे. ती नेहमीच आपल्या शुटिंगमधील काही खास फोटो शेअर करत असते. त्या व्यग्र शुटिंगमधुन सुद्धा अनुष्का चाहत्यांसाठी तिच्या लेकीसोबत आणि विराटसोबतचे काही खास क्षण घालवलेले फोटो शेअर करत असते. अनुष्काच्या चाहत्यांना विराटसोबतच्या अफेअरची चर्चा माहित होती.

तिने बऱ्याचदा सोशल मीडियावरुन त्यांचे काही खास फोटोही शेअर केले होते, पण विराटच्या आधीही अनुष्का एका बॉलिवूड कलाकाराच्या आणि एका क्रिकेट खेळाडूच्या प्रेमात पडली होती. चला तर जाणून घेऊया त्यांच्याविषयी.

अनुष्का बॉलिवूड एन्ट्री आणि प्रेम...

अनुष्काने अनेक चित्रपटातून मुख्य भूमिका साकारत आपले बॉलिवूडमधील स्थान पक्के केले आहे. तिने आपल्या फिल्मी करियरची सुरुवात २००८मध्ये केली. तिचा पहिला चित्रपट शाहरुख मुख्य भूमिकेत असलेला 'रब ने बनादी जोडी'. या चित्रपटाच्या माध्यमातून तिने आपल्या फिल्मी करियरची सुरुवात केली.

त्यानंतर रणवीर कपूरसोबत तिने एक चित्रपट केला होता. २०१० मध्ये अनुष्का आणि रणवीरने 'बँड बाजा बरात' हा चित्रपट केला होता. चित्रपटादरम्यान अनुष्का आणि रणवीरचं सुत जुळल्याची चर्चा होत होती. पण त्यांचे नाते फार काळ टिकले नाही.

विरुष्काचे प्रेम

बॉलिवूडमध्ये अनुष्काने पदार्पण केल्यानंतर काही वर्ष एका आजारासोबत झुंज देत होती. पण या सगळ्यात 2012 मध्ये सोशल मीडियावर अशी बातमी आली की, अनुष्का क्रिकेटर सुरेश रैनाला डेट करत आहे. दोघांच्या लव्हस्टोरीची बरीच कथा रंगत होती, तरीही त्यांनी त्यांच्या नात्यावर कधीच भाष्य केले नाही. ज्या प्रकारे त्यांचे नाते गुपचूप चालू होते, त्याच पद्धतीने त्यांची प्रेमकहाणीही संपुष्टात आली.

त्यानंतर अनुष्का विराटच्या प्रेमात पडली. त्यांच्या जोडीला सर्वत्र प्रेमही मिळाले. 11 डिसेंबर 2017 रोजी दोघांनी इटलीत मोठ्या थाटामाटात पण मोजक्याच मंडळींमध्ये लग्न उरकले. 11 जानेवारी 2021 रोजी अनुष्काने एका गोंडस मुलीला जन्म दिला, त्यांनी तिचे नाव वामिका असे ठेवले. आज जेव्हा जेव्हा ही जोडी चाहत्यांच्या गऱ्हाळ्यात दिसते तेव्हा ते सर्वांचेच लक्ष आपल्याकडे वेधते.