Ananya Pandey: बॉलिवूडमध्ये स्टार किड्सची चर्चा काही नवीन नाही. स्टार किड्सला कोणत्या ना कोणत्या मुद्द्यांवरुन नेटकरी बरेच ट्रोल करत असतात. नेहमीच सोशल मीडियावर काही ना काही विषयावरुन अनन्या पांडे ट्रोल होते. जरी चित्रपटामुळे सर्वाधिक चर्चेत नसली तरी सोशल मीडियावर मात्र हमखास ट्रोल होते. तिच्या ट्रोलिंगचे मुख्य कारण म्हणजे तिची ओव्हर अॅक्टिंग. तिच्या या अतिशहाणपणामुळे नेटकरी तिच्यावर ट्रोलधाड टाकतात.

अनन्याचा एक व्हिडिओ सध्या सोशल मीडियावर बराच व्हायरल होत आहे. व्हायरल होत असलेल्या व्हिडिओत अनन्याचा अतिशहाणपणा आणि कपड्याचा अवतार पाहता ट्रोल होत आहे. अलीकडेच ITA अवॉर्डमध्ये सहभागी होण्यासाठी अतिशय बोल्ड अवतारात पोहोचलेली दिसते.

यावेळी अनन्याने ऑफ शोल्डर रेड ब्रालेट आणि पिंक कलरचा ड्रेस घातला होता. अनन्या पांडे या ड्रेसमध्ये खूपच सुंदर दिसत होती. यावेळी अनन्याचा ड्रेस तिला स्वत:ला आवरता येत नव्हता.म्हणून तिने तो खास ड्रेस आवरण्यासाठी एका महिलेची निवड केली होती.

अनन्या पांडेच्या नवीन लूकवरुन तिला भरपूर ट्रोलिंगचा सामना करावा लागतो आहे. नेटिझन्स अनन्या पांडेला तिच्या शरीरयष्टीमुळे ट्रोल करत आहेत. तिला ट्रोलर्स म्हणतात, अनन्या खूपच बारीक आहे, त्यामुळेच तिचा ड्रेस पुन्हा पुन्हा सरकत आहे. जेव्हा ती कॅमेऱ्यासमोर आली तेव्हा तिच्या खांद्यावरचा तो पट्टा अचानक खाली आला. त्यामुळे तिची ऐन कॅमेऱ्यासमोर चांगलीच तारांबळ उडालेली दिसली.

अनन्या ट्रोलिंग होण्याची ही पहिलीच वेळ नाही. तिच्या कामानिमित्त बोलायचे तर, सध्या आगामी चित्रपटांमध्ये व्यग्र दिसत आहे. अनन्या पांडेचा अखेरचा चित्रपट विजय देवरकोंडासोबत लिगर या चित्रपटात दिसली होती. हा चित्रपट वाईटरित्या फ्लॉप झाला होता. या चित्रपटाकडून अनेक दिग्गज मंडळींना बरीच अपेक्षा होती पण तसं काही चित्र दिसले नाही.