बॉलिवूड अभिनेत्री ऐश्वर्या राय सध्या तिच्या वैयक्तिक आयुष्यामुळे चांगली चर्चेत आहे. सोशल मीडियावर सध्या ऐश्वर्या (Aishwarya Rai) आणि अभिषेक बच्चन (Abhishek Bachchan) यांच्या घटस्फोटाच्या चर्चा रंगल्या आहेत. अशातच आता ऐश्वर्या आणि अभिषेकच्या मुलीचा म्हणजे आराध्या बच्चनचा वाढदिवस साजरा करण्यात आला. आराध्याचा वाढदिवस 16 नोव्हेंबर 2024 रोजी होता. आता आराध्या (Aaradhya Bachchan) 13 वर्षांची झाली आहे.

आराध्या बच्चनच्या वाढदिवसाचे फोटो नुकतेच अभिनेत्री ऐश्वर्या रायने इन्स्टाग्रामवर पोस्ट केले आहेत. या फोटोंनी सर्वांचे लक्ष वेधून घेतले आहे. या फोटोंमध्ये वडील अभिषेक बच्चनची अनुपस्थित पाहायला मिळत आहे. ऐश्वर्या रायने शेअर केलल्या फोटोमध्ये आराध्या आपल्या आजीसोबत आणि आई ऐश्वर्यासोबत छान वेळ घालवताना पाहायला मिळत आहे. अभिषेकच्या अनुपस्थितीमुळे सोशल मीडियावर पुन्हा ऐश्वर्या-अभिषेक यांच्या नात्यावर चर्चा रंगल्या आहेत.

ऐश्वर्या रायने लेकीच्या वाढदिवसाचे फोटो शेअर केलेल्या पोस्टवर नेटकऱ्यांकडून कमेंट्सचा वर्षाव होत आहे. एकीकडे आराध्याला वाढदिवसाच्या शुभेच्छा चाहते देत आहेत. तर दुसरीकडे लेकीच्या वाढदिवसाला अभिषेक बच्चनची अनुपस्थित प्रश्न करताना पाहायला मिळत आहेत. तसेच आराध्याच्या वाढदिवसाला बच्चन कुटुंब गैरहजर असल्याचे पाहायला मिळत आहे. फोटोंमध्ये आराध्या आपली आजी आणि आईसोबत आनंदात वाढदिवस साजरा करताना दिसत आहे. तसेच ती आपल्या आजोबांच्या फोटोला नमस्कार करताना पाहायला मिळत आहे.

आराध्याच्या वाढदिवसाचे फोटो शेअर करताना ऐश्वर्याने खूप खास कॅप्शन दिल आहे. तिने लिहिलं की, "वाढदिवसाच्या खूप शुभेच्छा... माझ्या आयुष्यातील सर्वात प्रिय व्यक्ती, बाबा-अज्जा आणि माझी प्रिय आराध्या...माझे हृदय... माझा आत्मा... सदैव..." असे हटके आणि भावुक कॅप्शन ऐश्वर्याने लिहिलं आहे.