बॉलिवूड अभिनेता शेखर सुमन यांनी आज मंगळवारी भाजपमध्ये प्रवेश केला. कॉंग्रेस पक्षाचा राजीनामा देत शेखर सुमन यांनी आज भाजपामध्ये प्रवेश केला आहे. यापूर्वी शेखर सुमन यांनी पटणा लोकसभा मतदार संघात काँग्रेसकडून निवडणूक लढवली होती.

शेखर सुमन यांनी भाजप नेते विनोद तावडे यांच्या प्रमुख उपस्थितीत पक्षात प्रवेश केला आहे. यावेळी शेखर सुमन यांच्यासोबत राधिका खेरा यांनीही पक्षप्रवेश केला आहे. त्यांनी २ दिवसांपूर्वीच काँग्रेस पक्षाचा राजीनामा दिला होता. राजीनामा देताना त्यांनी राम मंदिरात जाण्यावरून काँग्रेसवर गंभीर आरोप केले होते. गेल्या काही दिवसांपूर्वी ‘अनुपमा’ फेम रुपाली गांगुली यांनी भाजप पक्षात पक्ष प्रवेश केला होता.

शेखर सुमन यांच्या कामाबद्दल बोलायचे तर, ते एक सुप्रसिद्ध बॉलिवूड अभिनेते आहेत. त्यांनी ९० च्या काळातील अनेक सुपरहिट चित्रपटांमध्ये प्रमुख भूमिका साकारलेली आहे. अभिनेते शेखर सुमन ‘इंडियाज् लाफ्टर चॅम्पियनशिप’मध्ये दिसले होते. त्यासोबतच संजय भन्साळी यांच्या ‘हीरामंडी : द डायमंड बझार’ वेबसीरीजमध्येही प्रमुख भूमिकेत आहेत.