आज विधानसभा निवडणुकीच्या मतदान सुरू आहे. बॉलिवूड कलाकारांनी देखील सकाळपासून मतदान केंद्रावर जाऊन मतदानाचा हक्क बजावला आहे. बॉलिवूड अभिनेता अक्षय कुमारने मतदान केले आहे.

अक्षय कुमारने सकाळी ७.३० च्या सुमारास मतदान केले आहे. सोशल मीडियावर सेलिब्रिटी मतदान म्हणून अक्षय कुमारला स्पॉट करण्यात आले आहे. मतदान केंद्रावर अक्षय कुमार पोहोचताच तेथे सर्वाची एकच गर्दी झाली. सोशल मीडियावर अक्षयने मतदान केल्याचे अनेक फोटो, व्हिडीओ समोर आले आहेत.

मतदान केल्यानंतर मतदान केंद्राबाहेर अक्षयने माध्यमांशी देखील संवाद साधला आहे. यावेळी अक्षयने मतदान केंद्रावरती करण्यात आलेल्या व्यवस्थेचं कौतुक केलं आहे. अनेक नागरिकांशी अक्षयने संवाद साधलाय. मतदान केंद्रातून बाहेर आल्यानंतर एका वृद्ध व्यक्तीने अक्षयशी संवाद साधला आहे याचदरम्यानचा दोघांचा व्हिडीओ सध्या सोशल मीडियावर व्हायरल होत आहे.

व्हायरल व्हिडीओमध्ये एक आजोबा अक्षयशी बोलताना दिसत आहे. अक्षयने देखील आजोबांना हात मिळवताना दिसतोय. पुढे अक्षय आजोबांचे बोलणं ऐकून घेतोय. आजोबा आणि अक्षय यांच्यामध्ये टॉयलेटसंदर्भात बोलणं सुरू आहे.

दरम्यान, आजोबा अक्षयला म्हणाले की, "तुम्ही बांधून दिलेले टॉयलेट आता सडलेले आहे. मी ३ ते ४ वर्षापासून या बाथरूमची अवस्था पाहत आहे. आम्हाला आता त्याची दुरूस्थी करून द्या. यावर अक्षय म्हणतो की मी यासंदर्भात बीएमसीशी बोलतो. पुढे आजोबा बोलतात हे लोखंडाचं आहे त्यामुळे ते रोज सडतं. रोज पैसे टाकावे लागतात. दरम्यान अक्षय म्हणतो ठिक आहे, मी बोलतो त्यांच्यासोबत. हे बीएमसीचं काम आहे.

तुम्हाला फक्त डब्बा द्यायचा आहे तो मी लावून घेतो असं आजोबा म्हणतात, पुढे अक्षय त्यांना नीट समजवताना दिसतोय की यावर बीएसीचं लक्ष देईन पुढे आजोबा म्हणाले की, बीएमसी यात काहीच लक्ष देत नाही."