सुरज सावंत

मुंबई : मुंबई महापालिका (BMC) एकीकडे सर्वसामान्यांवर थेट कारवाई करते मात्र दुसरीकडे अभिनेते बच्चन (amitabh bachchan) यांच्यावर मेहरबान झाल्याचे दिसून आले आहे. अभिनेते अमिताभ बच्चन यांच्या प्रतीक्षा बंगल्यावर तूर्तास कारवाई नाही असे लोकायुक्तांच्या सुनावणीत पालिकेचे स्पष्टीकरण दिले आहे.

हे देखील पहा-

रस्ता रुंदीकरणासाठी ठेकेदार मिळत नसल्याने पालिकेने प्रतीक्षा बंगल्याच्या भिंतीवर कारवाई न केल्याचं स्पष्टीकरण पालिकेने लोकायुक्तांसमोर दिले आहे. लोकायुक्त न्यायमूर्ती व्हीएम कानडे यांच्याकडे सादर केलेल्या अहवालात, बीएमसीने असे म्हटले आहे की, जुहू रस्त्याच्या रुंदीकरणासाठी त्यांच्याकडे रस्ता कंत्राटदार नाही आणि त्यामुळे सध्या महापालिका बच्चन यांच्या बंगल्याचा आवश्यक भाग ताब्यात न घेणार नाही आणि पुढील आर्थिक वर्षात कंपाउंड वॉल पाडुन पुढची कार्यवाही करु असं महापालिकेनं म्हंटले आहे.

काँग्रेस नगरसेविका ट्यूलिप मिरांडा यांनी महाराष्ट्र लोकायुक्तांकडे तक्रार केली होती की बीएमसी 2017 पासून रस्ता रुंदीकरणासाठी बच्चन यांच्याकडून जमीन ताब्यात घेण्यात अपयशी ठरली आहे. याबाबत लोकायुक्तांकडे सुनाववणी होती. मात्र, या सुनावणीत पालिकेचा अहवाल लोकायुक्तांनी मान्य केला नसून पुढील सुनावणीत पालिका कारवाई काय करणार याच स्पष्टीकरण मागितलं आहे.