Birthday Special: अमिताभ बच्चन यांचं ८० व्या वर्षात पदार्पण... Facebook/ @amitabhbachchan
मनोरंजन बातम्या

Birthday Special: अमिताभ बच्चन यांचं ८० व्या वर्षात पदार्पण...

अमिताभ बच्चन यांचा सुर्यवंशम हा चित्रपट तुम्ही पाहिला असेलच. याशिवाय हम, लाल बादशहा, बडे मिया छोटे मिया, कसमें वादे, द ग्रेट गैम्बलर या सिनेमांमध्ये त्यांनी डबल रोल साकारले आहेत.

ब्युरो रिपोर्ट, साम टीव्ही, मुंबई

मुंबई: बॉलिवुडचे शहंशाह अमिताभ बच्चन यांचा आज ७९ वा वाढदिवस आहे. ११ ऑक्टोबर १९४२ साली त्यांचा जन्म झाला. शहंशाह, बिग-बी, महानायक अशा अनेक नावांनी आपण त्यांना ओळखतो. ज्या वयात ज्येष्ठ नागरिक पेंशन घेऊन आरामात जगायचं स्वप्न बघतात, त्याच वयात अमिताभ बच्चन हे प्रचंड व्यस्त आणि तगडी कमाई करणारे सुपर आणि सिनीअर स्टार आहेत. त्यांच्या अभिनयाने चाहते घायाळ तर होतातच, पण त्यांच्या भारदस्त आवाजानेही चाहते उत्साहीत होतात. (Birthday Special: Amitabh Bachchan's debut in 80th year)

हे देखील पहा -

अमिताभ बच्चन यांच्या वडिलांचे नावं डॉ. हरिवंश राय बच्चन आहे. जे एक प्रसिद्ध कवी होते आणि त्यांच्या आईचे नावं तेजी बच्चन होते. बिग बी यांना एकेकाळी इंजिनियर बनायचे होते. तसेच त्यांनी एयरफोर्समध्ये जाण्याचे देखील स्वप्नं पाहिले होते, मात्र त्यांच्या नाशिबत काहीतरी वेगळाचं लिहिले होते आणि त्यांनी सिनेसृष्टीत प्रवेश केला. १९७० च्या दशकाच्या सुरुवातीला भारतीय सिनेमातील एंग्री यंग मॅन अशी ख्याती त्यांनी आपल्या भूमिकांतून मिळवली आणि चार दशकांहून अधिक मोठ्या कारकीर्दीत १८० हून अधिक चित्रपटांत त्यांनी भूमिका साकारल्या. अमिताभ हे भारतीय सिनेमाच्या इतिहासातील सर्वात महान आणि प्रभावशाली अभिनेत्यांपैकी एक मानले जातात. आपल्या कारकीर्दीत बच्चन यांनी अनेक पुरस्कार प्राप्त केले. चार राष्ट्रीय पुरस्कार आणि चौदा फिल्मफेअर पुरस्कारांचा त्यात समावेश आहे. अभिनयाखेरीज पार्श्वगायक, चित्रपटनिर्माते आणि टीव्ही कार्यक्रम निर्माते म्हणूनही बच्चन यांनी काम केले आहे. त्याचप्रमाणे ते काही काळ राजकारणातही होते. १९८४ ते १९८७ या काळात ते लोकसभेसाठी निवडले गेले होते.

सत्ते पे सत्ता, डॉन, महान, सुर्यवंशम, आखरी रास्ता, देश प्रेम, तूफान, खुदा गवाह त्यांची अशी अनेक चित्रपटं सुपरहीट ठरली. १९६९ साली त्यांनी आपल्या अभिनय कारकीर्दीची सुरवात सात हिंदुस्तानी या चित्रपटापासून केली होती. बिग बी यांना त्या चित्रपटासाठी तेव्हा ५ हजार रुपये मानधन मिळाले होते. मात्र आज एका चित्रपटासाठी त्यांचे मानधन १५ ते २० कोटींच्या घरात आहे. त्यांची मुंबईत जलसा, जमक, प्रतिक्षा आणि वस्ता ही चार महागडे आणि आलिशान बंगले आहेत. याशिवाय अन्य प्रॉपर्टी देखील आहे. कौन बनेगा करोडपती आणि जाहिरातींमधूनही बिग बी तगडी कमाई करतात.

Edited By - Akshay Baisane

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Kalyan News: कोळसेवाडी व विजयनगरमध्ये मध्यरात्री गाड्यांची तोडफोड; कल्याणमध्ये भीतीचं वातावरण|VIDEO

Nashik: धक्कादायक! घरी व्यायाम करताना कोसळला; १० वीत शिकणाऱ्या विद्यार्थ्याचा हार्ट अटॅकनं मृत्यू

Sindhudurg Tourism : ना गर्दी, ना गोंधळ; शांत निसर्गरम्य वातावरणात घ्या 'या' धबधब्याचा आनंद

PF Maturity Calculator : १०, १५, २० वर्षे नोकरी केल्यावर खात्यात पीएफ किती जमा होईल? वाचा

Maharashtra Live News Update: पांडुरंगांनी शेतकऱ्यांच्या कर्जमाफी बाबत फडणवीसांना कानात सांगावा - बच्चू कडू

SCROLL FOR NEXT