'बिग बॉस ओटीटी २' फेम अभिनेत्री पलक पुरसवानी नुकतीच लग्नबंधनात अडकली आहे. लग्न सोहळ्याचे खास फोटो तिने सोशल मीडियावर शेअर केले आहेत. पलक पुरसवानीने बॉयफ्रेंड रोहन खन्नासोबत 'ईशा योग केंद्रात' लग्नगाठ बांधली. तामिळनाडूतील कोईम्बतूर येथील ११२ फूट उंचीच्या आदियोगी पुतळ्यासमोर या जोडप्याने सात फेरे घेऊन आपल्या नवीन आयुष्याला सुरुवात केली. हा शाही लग्न सोहळा २६ जून २०२६ रोजी पार पडला.

पलक पुरसवानी आणि रोहन खन्ना यांच्या लग्नाला जवळचे कुटुंबिय, मित्रपरिवार उपस्थित होते. हा एक खाजगी विवाह सोहळा होता. आपल्या खास लग्न सोहळ्यासाठी पलकने बेज आणि लाल रंगाचा लेहंगा परिधान केला होता, तर रोहनने तिला साजेसा असा शाही पारंपरिक शेरवानीचा पेहराव केला होता. पारंपरिक लेहंग्यासोबत हिरव्या रंगाचे शाही दागिने परिधान केल्यामुळे पलक अतिशय सुंदर दिसत होती.

पलकने शेअर केलेल्या फोटोंमध्ये जोडप्याचा रोमँटिक अंदाज पाहायला मिळत आहे. एका फोटोमध्ये ते एकमेकांचा हात धरून आनंदाने हसताना दिसत आहेत, तर दुसऱ्या फोटोमध्ये रोहन तिच्या कपाळावर सिंदूर लावताना आणि गळ्यात मंगळसूत्र घालताना दिसत आहे. या फोटोवर चाहते, नेटकरी, कलाकार मंडळी भरभरून कमेंट्चा आणि शुभेच्छांचा वर्षाव करत आहेत.

पलकने या पोस्टला खूपच हटके कॅप्शन दिले आहे. तिने लिहिलं की, "काही प्रेमकथा नियतीने लिहिलेल्या असतात, आमची निवड महादेवाने केली; From two souls, to one forever...२६.०६.२६"

पलक पुरसवानी करिअर

पलक पुरसवानी ही टिव्हीचा प्रसिद्ध चेहरा आहे. तिने 'बडी देवरानी' आणि 'ये रिश्ते हैं प्यार के' यांसारख्या मालिकांमध्ये काम केले आहे, तसेच ती 'बिग बॉस ओटीटी २' आणि 'एमटीव्ही स्प्लिट्सव्हिला सीझन ७' यांसारख्या रिअ‍ॅलिटी शोमध्येही झळकली आहे.