'बिग बॉस मराठी'च्या घरात सदस्य वाद, भांडणं करण्यासोबत काही नातीदेखील चर्चेत आली आहेत. बिग बॉसमध्ये कधी प्रेमाचे वारे तर कधी राडे पाहायला मिळतात. अशातच बिग बॉसच्या घरातून अरबाजची एक्झिट झाल्यानंतर निक्की भावुक झालेली दिसली. बिग बॉसने अरबाजला एलिमेट जाहीर करताच निक्की ढसाढसा रडू लागली. यादरम्यानचा भावनिक प्रोमो सोशल मीडियावर शेअर करण्यात आला.

निक्कीने अरबाजचे पाय धरत, त्याला तु जाऊ नको... आता मी कोणाशी बोलू अशा भावना व्यक्त केल्या होत्या. नुकताच बिग बॉसचा नवीन प्रोमो रिलीज झाला आहे. 'बिग बॉस मराठी'च्या आजच्या भागात,"सूरज निक्कीला दिलासा देत म्हणतोय,"तुझा कोणी नाही...मी आहे ना". त्यावर निक्की म्हणतेय,"तू आहेस ना. तुझ्यासोबत गप्पा मारायला बसेल मी". सूरज त्यावर म्हणतोय,"आपलं कुटुंब आहे, घर आपलं आहे. आता रडायचं नाही...स्ट्राँग व्हायचं". निक्की सूरजला उत्तर देत म्हणतेय,"स्ट्राँग तर आहेच...पण दु:खी झाले आहे".

बिग बॉसच्या घरात निक्की आणि सुरज याचं नातं चांगलं आहे. या दोघानी रक्षाबंधनाचा सणदेखील जल्लोषात साजरा केला. या रक्षाबंधनाला 'बिग बॉस मराठी'च्या घरात निक्कीने सूरजला राखी बांधली होती. आता अरबाजने घराचा निरोप घेतल्याने निक्की पूर्णपणे खालावली आहे. त्यामुळे सूरज निक्कीला दिलासा देताना आजच्या भागात दिसणार आहे.

सूरज पुढे म्हणतोय,"आपला माणूस आपल्याला सोडून गेल्यावर त्या भावना आपल्या डोळ्यातून बाहेर पडतात. आपण एकटा आलोय...आणि एकटंच आपल्या घरी जाणार. गेमवर फोकस आहे. खोटं बोलत नाही..मी लढणार...या खेळ एकट्याने खेळायचा आहे..स्वत:ला त्रास करुन घ्यायचा नाही".