मुंबई: 'बिग बॉस मराठी 4'चे (Bigg Boss) घर म्हणजे वादविवाद आणि आरोप-प्रत्यारोपाचे मैदान आहे. 'बिग बॉस'च्या दुसऱ्या चावडीवर महेश मांजरेकरांनी सर्व स्पर्धकांची शाळा घेतली. तसेच स्पर्धकांची एकमेकांविषयीची मते सुद्धा जाणून घेतली. पहिल्या एलिमिनेशनमध्ये निखिल राजेशिर्के बिग बॉस घराबाहेर जाणारा पहिला स्पर्धक ठरला. चावडीनंतर दुसरा दिवस नवीन ट्विस्ट घेऊन येतो. कारण महेश मांजरेकरांनी घेतलेली शाळा आणि प्रेक्षकांनी केलेली चुगली यामुळे स्पर्धकांचे सावध होतात.

आज 'बिग बॉस मराठी'च्या घरामध्ये नॉमिनेशन कार्य पार पडणार आहे. या नॉमिनेशन कार्यात अमृता धोंगडे आणि अपूर्वा यांच्या आरोप-प्रत्यारोप झाले आहेत. अमृताने नॉमिनेशन कार्यात दिलेल्या कारणांमुळे अपूर्वाचा पारा चढला आहे. अमृताचे म्हणणे आहे की, तू मला आठवडाभर दिसली नाही. त्यावर अपूर्वा म्हणाली, "पर्सनल भांडण काढणं गरजेचं नव्हतं, तुझ्या निकषांनी जर मी चर्चेत नसेल तर मला फरक पडत नाही. माझ्यावर जे चुकीचे आरोप करता ना ते बंद करा..." असे अमृताने अपूर्वाला सुनावले. "हा गुरुर शेवटपर्यंत राहू दे अमृता, आज माझी बाजू तुझ्याकडे होती ना, एक दिवस तू माझ्या हातात असशील हे लक्षात ठेव", असे अपूर्वा अमृताला म्हणाली.

कलर्स मराठीने सोशल मीडियावर (Social Media) याचा प्रोमो शेअर केला आहे. या प्रोमोमध्ये अमृता आणि अपूर्वा एकमेकींवर चांगल्याच भडकल्या दिसत आहेत. त्यांची ही भांडण 'बिग बॉसच्या घरात किती दिवस चालणार आणि त्याचा घरात काय परिणाम दिसणार हे आपल्याला येत्या दिवसात कळणार आहे.

'बिग बॉस'च्या घरामध्ये आज काय घडले? कोणी कोणाला नॉमिनेट? हे आपल्याला आजच्या भगत पाह्यला मिळणार आहे.