कोकणची मुलगी तन्वी कोलते 'बिग बॉस मराठी ६' ची विजेता ठरली. रितेश भाऊंनी तिला मानाची ट्रॉफी दिली. सध्या तन्वी कोलतेची हवा सोशल मीडियावर पाहायला मिळत आहे. 'बिग बॉस मराठी ६' मुळे तन्वीला खूप लोकप्रियता मिळाली. घरात असताना तिचे प्रभू आणि राकेश बापटसोबत चांगले नाते जुळले. घरात तन्वी आपल्या खेळामुळे, विधानांमुळे , नात्यांमुळे चांगलीच चर्चेत राहिली. अशात तन्वी कोलतेने नुकतीच सोशल मीडियावर एक पोस्ट शेअर केली आहे. ज्याने सर्वांचे लक्ष वेधून घेतले आहे.

तन्वी कोलते पोस्ट

"आज माझ्या हातात ही ट्रॉफी आहे...पण ही फक्त माझी नाही

ही आपल्या सगळ्यांच्या विश्वासाची, प्रेमाची आणि आशीर्वादांची आहे...

या प्रवासात मी खूप काही शिकले...

कधी स्वतःवर विश्वास ठेवायला, कधी शांत राहून लढायला आणि कधी पडूनही पुन्हा उभं राहायला...

तुमच्यापैकी प्रत्येकाने मला दिलेलं प्रेम, प्रत्येक vote, प्रत्येक message…

मी सगळं मनापासून feel करतेय, अगदी रोज.

जेव्हा मी थकले... तुम्ही माझी ताकद बनलात

जेव्हा मी गोंधळले...तुम्ही माझा विश्वास बनलात

आणि आज तुम्ही माझा अभिमान आहात

तन्वी कोलते आज इथे उभी आहे,

कारण आपण सगळे कधीच हार मानली नाही...

ही फक्त जिंकण्याची गोष्ट नाही…

हा ठरला माझ्या स्वप्नांवर विश्वास ठेवण्याचा आपला प्रवास

त्या प्रत्येकाला जे माझ्यासारखी स्वप्न बघतात, त्यांना एकच सांगायचंय…

स्वतःवर विश्वास ठेवा, मेहनत करा, आणि जिद्द दाखवा… वेळ आल्यावर जग तुमच्यासाठी टाळ्या वाजवेल...

ही ट्रॉफी… आपल्या सगळ्यांची आहे

परत एकदा मनापासून धन्यवाद… कायम माझ्या सोबत असेच उभे रहा...."

तन्वी कोलतेच्या या पोस्टवर चाहते, कलाकार मंडळी कमेंट्स करताना दिसत आहे. तिच्यावर शुभेच्छांचा वर्षाव होत आहे. राखी सावंत, पुष्कर जोग अशा अनेक कलाकारांनी तन्वीला पाठिंबा दिला आहे. आता चाहते तन्वीच्या आगामी प्रोजेक्टची उत्सुकतेने वाट पाहताना दिसत आहेत.