शेफाली जरीवाला (मृत्यू - 27 जून 2025, बिग बॉस - 13)

सिद्धार्थ शुक्ला (मृत्यू - 2 सप्टेंबर 2021, बिगबॉस सीजन 13

प्रत्युषा बनर्जी (मृत्यू -1 एप्रिल 2016, बिग बॉस सीजन 7

स्वामी ओम (मृत्यू - 3 फेब्रुवारी 2021, बिग बॉस सीजन 10)

सोनाली फोगाट (मृत्यू - 23 ऑगस्ट 2022, बिग बॉस सीजन 14)

सोमदास चट्टन्नूर (मृत्यू - 31 जानेवारी 2021, बिग बॉस, मल्याळम सीजन 2)

जयश्री रमैया (मृत्यू - 25 जानेवारी 2021, बिग बॉस, कन्नड सीजन 3)

राजू श्रीवास्तव (मृत्यू - 21 सप्टेंबर 2022, बिग बॉस सीजन 3)

जेड गुडी (मृत्यू - 22 मार्च 2009, बिग बॉस सीजन 2)

जया सावंत (मृत्यू - 28 जानेवारी 2022, बिग बॉस सीजन 14 आणि 15)

हे सर्वजण आज हयात नाहीत. या सर्वांचा मृत्यू विविध कारणांनी झालेला असला तरी याचं एक कनेक्शन ते म्हणजे बिग बॉस. होय बिग बॉसचं घर हे एक खास तयार केलेलं, तंत्रज्ञानाने सुसज्ज बंदिस्त घर आहे. ओपन हॉल, रंगीबेरंगी फर्निचर, भिंतींवर विचित्र वॉल आर्ट, स्विमिंग पूल, जिम, गार्डन, एकच रूम अनेक बेड असं हे प्रशस्त कुणालाही बघताच क्षणी प्रेमात पाडणारं राजेशाही घरं आज शेफाली जरीवाला मुळे वादात सापडलंय. हे घरं शापित घरं असल्याचं म्हटलंय अभिनेत्री हिमांशी खुरानानं..

"बिग बॉसचं घर हे शापित आहे असं मला वाटतं"

अभिनेत्री हिमांशी खुरानानं शेफाली सोबत फोटो टाकून ज्या घरात जाण्यासाठी सेलिब्रेटी प्रयत्नांची पराकाष्ठा करतात त्याच घराला शापित म्हणत खळबळ माजवलीये. सेलिब्रिटींच्या बंद दाराआड काय घडतं हे बिगबॉसच्या घरातील 100 कॅमेऱ्यांमध्ये टिपून प्रेक्षकांना दाखवलं जातं. मात्र 2006 पासून सुरु झालेल्या या रियालिटी शोमधील ९ स्पर्धकांचा अकाली मृत्यू झालाय. 4 जणांचा मृत्यू हदय विकारानं, दोघांचा मृत्यू कॅन्सरनं , दोघांनी आत्महत्या करुन जीवन संपवलय. तर स्वामी ओम यांचा मृत्यू हा कोरोनापाश्चात गुंतागुतीनं झालाय. मात्र अभिनेत्री हिमांशी खुरानाच्या या विधानामुळं बीग बॉसच्या घरात जाणाऱ्यांची आणि हा शो पाहणाऱ्यांचीही धाकधूक वाढली इतकं मात्र खरं.