'बिग बॉस 19' (Bigg Boss 19 ) सध्या चांगलेच चर्चेत आहे. रोज एक नवीन ड्रामा घरात होताना पाहायला मिळत आहे. नुकताच घरात नॉमिनेशन टास्क पार पडला. या आठवड्यात 6 सदस्य नॉमिनेट झाले आहे. अशात बिग बॉसच्या घरातला एक व्हिडीओ सोशल मीडियावर व्हायरल होत आहे. जो पाहून नेटकरी भडकले आहेत. व्हायरल व्हिडीओमध्ये गायक अमाल मलिकचे कृती पाहून नेटकऱ्यांना राग आला आहे.

व्हायरल व्हिडीओमध्ये अमाल मलिक (Amaal Mallik) बॉटल भरली जाणाऱ्या नळीतून थेट पाणी पिताना दिसत आहे. तर ते पाणी त्याने सिंकमध्ये थुंकले आहे. त्याच्या या कृतीचा व्हिडीओ सोशल मीडियावर व्हायरल होत आहे. ज्यामुळे तो प्रचंड ट्रोल होत आहे. पाणी प्यायल्यावर तोंड लावलेली नळी स्वच्छ न करता तिथून निघून जातो. त्याच्या या वागण्यामुळे त्याचे चाहते नाराज झाले असून त्याच्यावर टीका करत आहेत.

अमाल मलिकच्या या व्हिडीओवर नेटकरी कमेंट्स करून आपला संताप व्यक्त करत आहेत. "सेलिब्रिटी असूनही स्वच्छतेचे नियम माहित नाही", "अमाल अस्वच्छ आहे", "किती घाण आहे हे", "स्वयंपाकघरात कोणी थुंकतं का?" अशा असंख्य कमेंट्स व्हिडीओवर पाहायल मिळत आहे. आता 'वीकेंड का वार' मध्ये सलमान खान अमाल मलिकची शाळा घेणार की त्याला सोडून देणार हे पाहणे महत्त्वाचे ठरणार आहे.

नॉमिनेट सदस्यांची नावे

बिग बॉसच्या घरातून या आठवड्यात सहा सदस्य नॉमिनेट झाल आहेत.

• जीशान कादरी

• नीलम गिरी

• मृदुल तिवारी

• बसीर अली

• अशनूर कौर

• प्रणित मोरे