'बिग बॉस 19'च्या घरात प्रत्येक सदस्य भांडताना दिसत आहे. पहिल्या आठवड्यातील मित्र आता एकमेकांचे शत्रू झाले आहेत. बिग बॉसच्या घरात नेहल आणि तान्या मित्तल मध्ये मोठे भांडण होते. अशात नुकताच बिग बॉसच्या घरात नॉमिनेश टास्क पार पडला. यात वेगळाच ड्रामा पाहायला मिळाला आहे. सदस्य एकमेकांच्या विरोधात गेले आहेत. टास्कमध्ये नेमकं काय झाले, जाणून घेऊयात.

नॉमिनेशन टास्क

'बिग बॉस 19'ने शेअर केलेल्या व्हिडीओत नॉमिनेशन टास्कमध्ये सदस्यांच्या नावाच्या बोटी पाहायला मिळतात. ज्या व्यक्तींची बोट तीन क्षेपणास्त्रांनी धडकेल त्याला नॉमिनेट केले जाते. नॉमिनेशन टास्कमध्ये घरातल्या सदस्यांनी एकमेकांना चांगलेच सुनावले आहे. नॉमिनेशन टास्कमध्ये नेहलने झीशानला नॉमिनेट केले. फरहानाने अशनूरला नॉमिनेट केले. अमाल मलिकने कुनिकाचे नाव घेतले.

'बिग बॉस 19' च्या घरातून 8 सदस्य नॉमिनेट झाले आहे. नॉमिनेट सदस्यांची नावे खालीलप्रमाणे-

• अमाल मलिक

• नेहल चुडासमा

• कुनिका सदानंद

• अशनूर कौर

• नीलम गिरी

• प्रणित मोरे

• तान्या मित्तल

• झीशान कादरी

आवेज दरबार एक्झिट

गेल्या आठवड्यात 'बिग बॉस 19' च्या घरातून आवेज दरबारची एक्झिट झाली आहे. मात्र त्याच्या जाण्याने घरातील अनेक सदस्यांना तसेच प्रेक्षकांना वाईट वाटले आहे. आतापर्यंतचे हे शॉकिंग एलिमिनेशन होते. आठ सदस्यांमधून या आठवड्यात कोण घराबाहेर जाणार हे पाहणे मनोरंजक ठरणार आहे.