Lawrence Bishnoi: बिग बॉस हिंदी सीझन १८ सध्या चांगलंच गाजतय. बिग बॉस हिंदीमध्ये गुणरत्न सदावर्ते कायमच चर्चेत आहेत. केवळ १० दिवसांतच गुणरत्न सदावर्ते यांनी बिग बॉसच्या घरातून बाहेर पडले. अशातच बिग बॉसच्या घरातून गुणरत्न सदावर्ते बाहेर पडल्यानंतर त्यांनी माध्यमांशी संवाद साधला आहे. ज्यामुळे ते पु्न्हा एकदा चर्चेत आले आहेत.

बिग बॉसच्या घरात एन्ट्री करत गुणरत्न सदावर्तेने साऱ्यांचेच लक्ष वेधले. बिग बॉसच्या घरात गुणरत्न सदावर्ते यांनी प्रेक्षकांचे भरपूर मनोरंजन केले. १० दिवसांचा प्रवास संपल्यानंतर गुणरत्न सदावर्तेनी मुलाखती दिल्या आहेत. नुकतंच झालेल्या एका मुलाखतीत, गुणरत्न यांना बाबा सिद्धीकी यांच्याविषयी विचारण्यात आले. यावर गुणरत्न म्हणाले की,'बाबा सिद्धीकींच्या आयुष्याबद्दल मला माहित नाही. मी एवढं ऐकलं नाही. मात्र मी एवढं म्हणतो की बॉलिवूड कलाकारांनी कधीही अंडरवर्ल्डच्या छत्रछायेत जाऊ नये. तसेच त्यांच्या संपर्कात न येता दूर राहिले पाहिजे. कारण तुमचे चाहत्यांच्या मनात स्थान निर्माण करण्यासाठी विविध भूमिका साकारता...'

सलमान खानला मिळणाऱ्या धमकीबद्दल पुढे सदावर्ते यांना प्रश्न विचारण्यात आला त्यावर त्यांनी इतकंच सांगेन की, त्याने कायद्यासोबतच धर्मगुरू आणि धर्मपंडितांचा सल्ला घ्यायला पाहिजे. बिश्नोई समाजसुद्धा हिंदू राष्ट्र मानणारा समाज आहे, त्यामुळे नक्कीच काहीतरी चांगलं होईल. जर सलमानला कोणती मदत पाहिजे असेल तर मी नक्की करेन.' असं म्हटलं आहे.