Bigg Boss 16 Finale: 'बिग बॉस १६'चा आज अंतिम सोहळा पार पडणार आहे. टॉप ५ स्पर्धकांपैकी कोण जिंकणार यांची सर्वांचं उत्सुकता लागली आहे. शिव ठाकरे, एमसी स्टॅन, प्रियांका चहर चौधरी, शालिन भनोत आणि अर्चना गौतम हे टॉप ५ स्पर्धक आहेत. आवडत्या स्पर्धकाला जिंकण्यासाठी प्रेक्षक तसेच स्पर्धाकांचे कुटुंबीय शर्थीचे प्रयत्न करत आहेत.

मराठमोळ्या शिवला जिंकविण्यासाठी त्याच्या आई-वडिलांनी देखील कंबर कसली आहे. शिवच्या आई-वडिलांचा एक व्हिडिओ शिवच्या इन्स्टाग्रामवर पोस्ट करण्यात आला आहे. त्यांचा हा व्हिडिओ शिवाच्या टीमने शेअर केला आहे.

शिव प्रेक्षकांचा लाडका आहेच. पण जिंकण्यासाठी त्याला प्रेक्षकांच्या मतांची देखील गरज आहे. शिवला जिंकून देण्यासाठी अनेक मराठी सेलिब्रेटी त्यांच्यावतीने प्रेक्षकांकडे विनंती करत आहेत. महेश मांजरेकर, सिद्धार्थ जाधव, मेघा धाडे, माधव देवचक्के, हिना पांचाळ अशा अनेक मराठी सेलिब्रिटी कलाकारांनी शिवला जिंकविण्यासाठी पुढाकार घेतला आहे.

शिव ठाकरेचे आई-वडिल या व्हिडिओमध्ये अगदी साध्या पेहराव आहेत. शिवच्या आई-वडिलांनी शिवाला वोट करा, त्याला ट्रॉफी घरून घेऊन आणायला मदत करा. अशी विनंती केली आहे. त्यांचा साधेपणा नेटकऱ्यांना भावला आहे. नेटकरी शिवाचं जिंकले जसे म्हटलं आहेत. त्यांच्या या व्हिडिओ शिवसह त्यांच्या आई-वडिलांचे देखील कौतुक होत आहे.

काही तासांनी 'बिग बॉस १६' विजेता जाहीर होईल. सर्वांचे लक्ष या शोच्या अंतिम सोहळ्याकडे लागले आहे. प्रत्येकजण त्यांच्या आवडत्या स्पर्धकांना विजयी करण्यासाठी प्रयत्न करत आहेत. पण आपल्याला एकच विजेता मिळणार आहे.