प्रसिद्ध कॉमेडियन भारती सिंग दुसऱ्यांदा आई झाली. तिने गोंडस मुलाला जन्म दिला. भारतीला 19 डिसेंबरला हर्ष आणि भारतीला मुलगा झाला. भारती सिंग सोशल मीडियावर खूप सक्रिय असते. तिचे युट्यूब चॅनेल देखील आहे. नुकताच त्यांनी बाळाच्या आगमनाचा एक व्हिडीओ शेअर केला आहे. ज्यात भारती सिंग खूप भावुक झालेली पाहायला मिळत आहे. भारती सिंग आणि हर्ष लिंबाचिया प्रेक्षकांची आवडती जोडी आहे.

भारतीने व्हिडीओत सांगितले की, मुलांच्या जन्मानंतर त्याला लगेच काही वैद्यकीय चाचण्यांसाठी घेऊन गेले. भारतीने दोन दिवसांनी बाळाला पहिल्यांदा हातात घेतले आणि ती रडू लागली. हा क्षण तिच्यासाठी खूपच खास ठरला. भारतीने बाळाचे नाव देखील खूप खास ठेवले आहे. भारती सिंगने आपल्या मोठ्या मुलाचे टोपणनाव गोला ठेवले आहे. तर दुसऱ्या मुलाचे टोपणनाव नाव 'काजू' ठेवले आहे. व्हिडीओत भारती मुलाला घट्ट मिठी मारताना दिसते.

भारतीने सांगितले की, लवकरच काजूचा चेहरा ती चाहत्यांना दाखवणार आहे. बाळ निरोगी आहे. व्हिडीओमध्ये भारती, हर्षची मजा मस्ती पाहायला मिळत आहे. मुंबईतील घरी असताना संध्याकाळी तिला प्रसूतीसाठी ब्रीच कँडी हॉस्पिटलमध्ये नेण्यात आले, असे भारतीने सांगितले. चाहते भारतीच्या बाळाला पाहण्यासाठी खूप उत्सुक आहेत.

2017ला भारती सिंगने लेखक हर्ष लिंबाचियासोबत लग्नगाठ बांधली. त्यानंतर 2022 मध्ये तिने लक्ष सिंग लिंबाचियाला जन्म दिला. लक्षचे टोपणनाव गोला आहे. भारती सिंगने अनेक मुलाखतीत सांगितले आहे की, तिला दुसरी मुलगी हवी आहे. भारती आणि हर्षला मुली खूप आवडतात.