Avdhoot Gupte News : अवधूत गुप्ते हे दिलखुलास व्यक्तमत्व अख्ख्या महाराष्ट्राला माहित आहे. संगीतकार, गायक, दिग्दर्शक, निर्माता, मुलाखतकार अशा अनेक भूमिका त्याने चाबूक वठवल्या आहेत. आयुष्यातील करिअर प्रत्येक टप्प्यावर डिस्टिक्शनने पास होणार अवधूत गुप्ते कॉलेजमध्ये बॉलिवूड अभिनेत्री करिना कपूरमुळे नापास झाला होता.

मराठी यूट्यूब चॅनेल 'मराठी किडा'वर अवधूतची एक मुलाखत नुकतीच पब्लिश झाली आहे. यामध्ये अवधूतने त्याच्या कॉलेज आयुष्यातील एक अनुभव शेअर केला आहे. करिना कपूर त्याच्या वर्गात बसत असल्याचा एक भन्नाट किस्सा त्याने सांगितला.

अवधूत गुप्ते कॉलेजला असताना परीक्षेत ज्या वर्गात त्याचा नंबर आला होता, तिथेच करिना कपूरचाही नंबर होता. मात्र करिना कपूर वर्गात बसत असल्याने त्याचं पेपरमध्ये लक्षच लागायचं नाही. करिना कपूर बाजूला बसलेली असेल तर काय होणार. पेपरमध्ये लक्ष कमी आणि तिच्याकडेच लक्ष जायचं. त्यामुळे तो नापास झाला, असं अवधूतने सांगितलं.

त्यावेळी करिना बरीच जाड होती. एका बाकावर एकच बसेल अशी होती. मात्र तिच्या चेहऱ्यावरची चमक, तेज यावरुन ती कपूर आहे हे लगेच कळून यायचं. तिची कॉलेजमधील एन्ट्रींच जबरदस्त असायची. लांब लचक गाडीतून ती उतरायची. त्यानंतर लोक पार थांबून तिच्याकडे बघायचे. त्यावेळी तिच्याशी कधी बोलता आलं नाही. पण नंतर एक दोन-वेळा पार्ट्यांमध्ये भेटली त्यावेळी तिच्याशी बोललो होतो, असंही अवधूतने सांगितलं. (Latest Entertainment News)

अवधूत गुप्ते कोणत्या पक्षाला सपोर्ट करतो

'खुपते तिथे गुपते' अनेक दिग्गजांना बोलतं करणाऱ्या अवधूतने या मुलाखतीत अनेक प्रश्नाची उत्तर देत त्याच्या फन्सना आणखी जवळ केलंय. अवधूतची कमाई कुठून होते, त्याचा आवडता पक्ष कोणता, 'मोरया'चा पार्ट २ येणार का? अशा अनेक प्रश्नांची अवधूतने मनमोकळेपणाने उत्तरे दिली आहे.