Avatar: The Way of Water Box Office Collection: जेम्स कॅमेरॉन याचा 'अवतार: द वे ऑफ वॉटर' बॉक्स ऑफिसवर तुफान कामगिरी करत आहे. 'अवतार: द वे ऑफ वॉटर' चित्रपट पाहण्यासाठी प्रेक्षक चित्रपटगृहांमध्ये गर्दी करत आहेत. या चित्रपटाने प्रदर्शनापूर्वीच चांगली कमाई केली होती. जागतिक स्तरावर देखील या चित्रपटाने २०२२साली प्रदर्शित झालेल्या चित्रपटांपेक्षा जास्त कमाई केली आहे.

'अवतार: द वे ऑफ वॉटर' प्रदर्शित होऊन १७ दिवस झाले आहेत. जगभरातील चित्रपटाच्या तिकिटांची विक्री १ बिलियन डॉलर इतकी झाली आहे. तसेच हा सर्वात जलद १ बिलियन कमाई करणार चित्रपट ठरला आहे. 'अवतार: द वे ऑफ वॉटरचे रोजचे कलेक्शन १० करोडापेक्षा जास्त झाले आहे. (Movie)

जेम्स कॅमेरॉनच्या 'अवतार 2' ने नवीन वर्षाच्या वीकेंडला सुद्धा अनेक रेकॉर्ड मोडले आहेत. वर्षाच्या पहिल्या दिवशी देशांतर्गत बॉक्स ऑफिसवर चित्रपटाला सुट्टीचा फायदा झाला आहे. या चित्रपटाची ३१ डिसेंबरला जितकी कमाई झाली त्यापेक्षा जास्त कमाई १ जानेवारी २०२३ झाली आहे. १ जानेवारी रोजी 'अवतार 2'चे एकूण कलेक्शन 17.25 कोटी होते. आता चित्रपटाचे एकूण कलेक्शन ३३३ करोड इतके झाले आहे.

हा चित्रपट ज्या वेगाने कमाई करत आहे, त्यानुसार तो लवकरच अँथनी रुसोच्या 'अ‍ॅव्हेंजर्स एंडगेम'ला मागे टाकणार यात दुमत नाही. 'एव्हेंजर्स एंडगेम'चे भारतातील एकूण कलेक्शन 367 कोटींपर्यंत होते. हा चित्रपट संपूर्ण भारतात प्रदर्शित झाला होता. 16 डिसेंबर रोजी हिंदी आणि इंग्रजी भाषांसह तमिळ, तेलगू, कन्नड आणि मल्याळम भाषांमध्ये सुद्धा हा चित्रपट प्रदर्शित झाला होता.