Arshad Warsi Confirms Jolly LLB 3 With Akshay Kumar: अर्शद वारसी सध्या ‘असूर २’ या वेबसीरिजमुळे सध्या चर्चेत आहे, या वेबसीरिजमधील त्याचा अभिनय प्रेक्षकांच्या पसंदीस पडत आहे. अशातच अर्शद वारसीने आपल्या चाहत्यांना एक गुड न्यूज दिली आहे. जॉली एलएलबीमध्ये अर्शद वारसीने उत्तम अभिनय केला आहे. ज्या चित्रपटाने त्याला सर्वाधिक प्रसिद्धी दिली, त्याचा लवकरच सिक्वेल येणार आहे. अर्थात जॉली एलएलबीचा तिसरा भाग लवकरच प्रेक्षकांच्या भेटीला येणार आहे.

जॉली एलएलबीच्या पहिल्या आणि दुसऱ्या भागाला प्रेक्षकांकडून तुफान प्रतिसाद मिळाल्यानंतर लवकरच या चित्रपटाचा तिसरा भाग येणार आहे. अलीकडेच एका मुलाखतीत अर्शद वारसीने या चित्रपटासंबंधित माहिती दिली. या चित्रपटाच्या तिसऱ्या भागावर काम सुरू असल्याचे अभिनेत्याने सांगितले. मुख्य बाब म्हणजे तो सुद्धा, चित्रपटात प्रमुख भूमिका साकरणार असल्याची माहिती दिली. ‘असूर २’ या वेबसीरिजममध्ये अर्शदने धनंजय राजपुत नावाच्या एका अधिकाऱ्याची भूमिका साकरली. त्याची ही बहुचर्चित वेबसीरिज सोशल मीडियावर बरीच चर्चेत आहे.

आता असूर २ नंतर पुन्हा एकदा अर्शद जॉली एलएलबी ३ मुळे चर्चेत आला आहे. येत्या काही दिवसांत हा चित्रपट प्रेक्षकांच्या भेटीला येणार असल्याची माहिती सध्या मिळाली आहे. जॉली एलएलबीमध्ये अक्षय कुमार, सौरभ शुक्ला आणि अर्शद वारसी सारखे सेलिब्रिटी प्रमुख भूमिकेत दिसले. अर्शदने चित्रपटात वकिलाची भूमिका साकारली होती. त्यातील त्याचे डायलॉग्स आणि बोलण्याची शैली प्रेक्षकांसमोर एक वेगळाच भाव खाऊन गेला. आता पुन्हा एकदा चित्रपटात अर्शदसोबत अक्षय कुमार देखील झळकणार आहे. लवकरच चित्रपटाची शूटिंग होणार असून पुढील वर्षी हा चित्रपट प्रेक्षकांच्या भेटीला येण्याची शक्यता आहे.

अर्शद वारसीच्या वर्कफ्रंटबद्दल बोलायचे तर, तो लवकरच ‘मुन्नाभाई ३’ मध्ये दिसण्याची शक्यता असून अद्याप चित्रपटाबद्दल कोणतीही स्पष्ट माहिती मिळालेली नाही. सोबतच तो ‘गोलमाल ५’ साठी देखील उत्सुक असल्याचे त्याने सांगितले.