स्टार प्लस या चॅनेलवरील 'अनुपमा' या सुप्रसिद्ध मालिकेने प्रेक्षकांच्या मनात घर केले आहे. प्रेक्षक या मालिकेला प्रचंड प्रतिसाद देत आहेत. 'अनुपमा' हे पात्र प्रेक्षकांच्या प्रचंड आवडीचे आहे. स्टार प्लस चॅनेलवरील अनुपमा मालिकेचा टीआरपी सगळ्यात जास्त आहे. मालिकेतील अनुपमा आणि अनुज या दोघांचे आयुष्य आणि त्यात येणारे रंजक प्रसंग प्रेक्षकांचे मन खिळवून ठेवते.
अनुपमासोबत दिसणार दोन नवी पात्र
अनुपमा मालिकेच्या प्रत्येक भागात तुम्हाला नवीन आणि मनोरंजक प्रसंग पाहायला मिळतात. त्यामुळे स्टार प्लस या चॅनेलचा टीआरपी वाढत आहे असे म्हणायला हरकत नाही. आता प्रेक्षकांसाठी आणखी एक सरप्राईज आहे. कारण 'अनुपमा' मालिकेत टाईम जंप होणार आहे. अनुपमा हे पात्र साकारणारी 'रुपाली गांगुली' या अभिनेत्रीसोबत दोन नवीन कलाकार या मालिकेत पदार्पण करणार आहेत. अशाप्रकारे, मालिकेमध्ये अभिनेत्री अलिशा परवीन आध्याची भुमिका साकारणार असून अभिनेता शिवम खजुरिया आध्याच्या 'प्रियकराची' भुमिका साकारणार आहे.
आता होणार अनुपमा आणि आध्यामध्ये दुरावा
अनुपमा या मालिकेच्या टीमने नुकतेच एक प्रोमो रिलीज केले आहे. त्यात अनुपमाच्या नवीन वाटचालीची सुरुवात झाली आहे हे दाखवण्यात आले आहे. या प्रोमोमध्ये, अनुपमाचा एक नवीन लुक प्रेक्षकांच्या भेटीला येणार आहे. अनुपमा तिचा व्यवसाय सुरु करताना दिसत आहे. अनुपमा आपल्या कुटुंबाविषयी विचार करते आणि तिला मुलीला म्हणजेच आध्याला भेटायची इच्छा असते.
दरम्यान, आध्या एक टूर मार्गदर्शक बनली आहे. हे सगळं होत असताना आध्याला मंदीरात प्रेम दिसतो. त्याचक्षणी तो तिच्या प्रेमात पडतो. आध्या नात्यातील अडचणींबद्दल विचार करते. तेव्हा ती आई पासून वेगळे राहण्याचा विचार करते. आता ही नवीन व्यक्ती आई आणि मुलीचे नाते जोडायला मदत करेल का? आई आपल्या मुलीला मिळवू शकेल का? असे प्रश्न प्रेक्षकांमध्ये सुरु आहेत.
Written By : Sakshi Jadhav