Rupali Ganguly Video: टीव्ही मालिकेतील प्रसिद्ध अभिनेत्री रुपाली गांगुली 'अनुपमा' या मालिकेमुळे चर्चेत आहे. नुकताच रुपालीने एक व्हिडिओ शेअर केला आहे. या व्हिडिओमध्ये रुपाली क्रिसमस साजरा करताना दिसत आहे. सॅन्टा क्लॉजच्या रूपात रुपाली 'जिंगल बेल्स' या गाण्यावर नाचताना दिसत आहे.

रुपाली गांगुलीने लाल रंगाचा टी-शर्ट आणि ब्लॅक रंगाची पॅन्ट घातली आहे. तसेच तिने डोक्यावर सॅन्टा क्लॉजची टोपी सुद्धा घातली आहे. तसेच तिने हा व्हिडिओ शेअर करताना एक सुंदर कॅप्शन देखील दिले आहे. 'वर्षातील ही वेळ नाचण्यासाठी आहे. कारण सॅन्टा आम्हाला आनंद देण्यासाठी आनंदाने भरलेली पिशवी घेऊन येणार आहे!! मेरी ख्रिसमस.' असे कॅप्शन दिलेल्या या व्हिडिओमध्ये रुपाली ख्रिसमसचा आनंद घेताना दिसत आहे. (Social Media)

रुपाली गांगुलीच्या या व्हिडिओवर तिचे फॅन्स कमेंट करत आहेत. रुपालीच्या फॅन्सला तिचा हा लूक खूप आवडला आहे. फॅन्स कमेंट करून तिचे कौतुक करत आहेत. तसेच रुपाली खूप सुंदर आहे असे म्हणत आहेत.

रुपाली 'साराभाई व्हर्सेस साराभाई', 'बा बहू और बेबी', 'परवरिश - कुछ खट्टी कुछ मेथी', 'संजीवनी' आणि इतर अनेक टीव्ही मालिकांमध्ये काम केले आहे. 'अनुपमा' या मालिकेतील भूमिकेमुळे ती पुन्हा घराघरात पोहोचली आहे. तिचा हा शो अनेकदा टीआरपीमध्ये नेहमीच टॉपला असतो. (Serial)