मनोरंजन विश्वातून आणखी एक दुःखद बातमी समोर आली आहे. प्रसिद्ध अभिनेत्री आणि संगीतकार डॉली पार्टन (Dolly Parton) यांचे निधन झाले आहे. गायिका डॉली पार्टन यांच्या निधनाने मनोरंजन विश्वावर शोककळा पसरली आहे. डॉली पार्टन या अमेरिकेच्या प्रसिद्ध गायिका होत्या.

टाइम्स ऑफ इंडियाच्या वृत्तानुसार, गायिका डॉली पार्टन यांनी वयाच्या 80 व्या वर्षी अखेरचा श्वास घेतला. डॉली पार्टन यांचे निधन मंगळवारी नॅशविले, टेनेसी येथे शांततेत निधन झाले. गायिकेची 'कर्करोगाशी झुंज' अपयशी ठरली आणि तिची प्राणज्योत मालावली. गायिकेच्या निधनाने चाहत्यांना मोठा धक्का बसला आहे. चाहते आणि कलाकार मंडळींनी सोशल मीडियाच्या माध्यमातून श्रद्धांजली वाहिली आहे.

डॉली पार्टन या 'क्वीन ऑफ कंट्री' म्हणून प्रसिद्ध आहेत; त्या एक दिग्गज अमेरिकन गायिका-गीतकार, अभिनेत्री, व्यावसायिक आणि समाजसेविका आहेत, ज्यांनी सात दशके संगीत क्षेत्राला आकार दिला.त्यांचा पहिला अल्बम, "हॅलो, आय अॅम डॉली," १९६७ मध्ये प्रदर्शित झाला. डॉली पार्टन या ११ ग्रॅमी पुरस्कार विजेत्या दिग्गज होत्या. त्यांनी आपल्या सुरेल आवाजाने आणि भन्नाट अभिनयाने प्रेक्षकांना आपलंस केले.

डॉली पार्टन यांची संगीतकार आणि गायिका म्हणून कारकीर्द सहा दशकांहून अधिक काळ चालली. या काळात त्यांनी 'जोलीन', 'आय विल ऑलवेज लव्ह यू', '९ टू ५', 'कोट ऑफ मेनी कलर्स' आणि 'हिअर कम अगेन' यांसारख्या ३,००० हून अधिक गाण्यांना आपला सुमधुर आवाज दिला.