मुंबई: अभिनेत्री आलिया भट तिच्या चित्रपटातील भूमिकांमुळे, फॅशन सेन्समुळे चर्चेत असते. सध्या तिच्या प्रेगन्सीची सुद्धा बरीच चर्चा होत आहे. आलिया या अवस्थेतही प्रोमोशन आणि इव्हेंट्सना जात असते. आलिया नुकतीच सिंगापूर येथील टाइम १०० इम्पॅक्ट अवॉर्ड्स या कार्यक्रमाला उपस्थित राहिली. या कार्यक्रमात आलियाला 'टाइम १०० इम्पॅक्ट अवॉर्ड'ने सन्मानित करण्यात आले आहे. (Alia Bhatt News)

अभिनय क्षेत्रातील तिच्या कामगिरीबद्दल आलियाला अवॉर्ड देण्यात आला आहे. टाइम इम्पॅक्ट १०० हा अवॉर्ड त्या क्षेत्रात असामान्य कामगिरी करणाऱ्या व्यक्तीला दिला जातो. आलियाने 'हायवे', 'गंगुबाई काठियावाडी', 'राझी', 'डार्लिंग्स' असे अनेक हिट चित्रपट दिले आहेत. प्रत्येक चित्रपटातील तिच्या भूमिकेचे सर्व स्तरातून विशेष कौतुक होत आहे.

टाइम १०० इम्पॅक्ट या कार्यक्रमासाठी आलिया गोल्डन रंगाचा शिमरी गाऊन घातला होता. त्या गाऊनमधे ती सुंदर दिसत होती. अवॉर्ड मिळाल्यानंतर तिने आपल्या भावना व्यक्त केल्या. आलिया म्हणाली, 'मला खूप अभिमान वाटतोय की, मी येथे माझा देशाचे प्रतिनिधित्व करत आहे. असा देश ज्याने मला आणि माझ्या करियरला पाठिंबा दिला. भारत हा असा देश ज्याचे मूळ मूल्यच विविधतेत एकता आहे. जसं शक्य होईल तसं मी माझं काम करीत राहीन. या अवॉर्डने माझा आणि माझ्या बाळाच्या जीवनावर 'इम्पॅक्ट' केला आहे'. आलियाने व्हिडिओच्या माध्यमातून आपल्या चाहत्यांबरोबर हे क्षण शेअर केले आहेत.