बॉलिवूड अभिनेता अक्षय कुमार (Akshay Kumar) कायम कोणत्या ना कोणत्या कारणामुळे चर्चेत असतो. अलिकडेच त्याचा 'हाऊसफुल 5' चित्रपट चांगलाच गाजला आहे. चित्रपटाने बॉक्स ऑफिसवर बंपर कमाई देखील केली. अनेक काळापासून अक्षय कुमार आपल्या लग्जरी प्रॉपर्टी विकून बक्कळ पैसा कमवत आहे. आता यात अजून दोन प्रॉपर्टींची भर पडली आहे. सध्या चित्रपटांसोबतच अक्षय कुमार गुंतवणूकीमुळे देखील चांगलाच चर्चेत आहे.

अक्षय कुमारने मुंबईतील बोरीवली येथील दोन अपार्टमेंट्स विकले आहेत. ही लग्जरी अपार्टमेंट्स त्यांनी 7.10 कोटींना विकले आहेत. त्याला 90% पेक्षा जास्त ROI मिळाला आहे. या दोन्ही मालमत्ता मीडिया रिपोर्टनुसार, ओबेरॉय रिअल्टीच्या प्रीमियम प्रोजेक्ट स्काय सिटीमध्ये आहेत. हा 25 एकरचा परिसर आहे. रेडी-टू-मूव्ह प्रकल्प आहे.

अक्षय कुमार रिअल इस्टेट गुंतवणुकीतून करोडोंची कमाई करत आहे. मीडिया रिपोर्टनुसार, या दोन्ही मालमत्ता जून 2025 मध्ये नोंदणीकृत झाल्या आहेत. 'स्काय सिटी'च्या प्रकल्पात 3 बीएचके, 3 बीएचके+स्टुडिओ, डुप्लेक्स अपार्टमेंटचा समावेश आहे. तसेच या मालमत्ता संजय गांधी राष्ट्रीय उद्यानाजवळ आहेत. त्यामुळे यांचे आकर्षण जास्त आहे. तसेच गोरेगाव, मालाड या कॉर्पोरेट हबसोबत कनेक्टिव्हिटी देखील आहे. तसेच येथे मेट्रो मार्ग देखील उपलब्ध आहे.

मीडिया रिपोर्टनुसार,अक्षय कुमारने एक फ्लॅट 5.75 कोटींना विकला आहे. जो 1,101 चौरस फूट कार्पेट एरियाचा आहे. याला दोन कार पार्किंग देखील आहे. अक्षयने 2017 साली हा फ्लॅट खरेदी केला होता. आता या फ्लॅटची किंमत 90 टक्क्यांनी वाढली आहे. अक्षयने 34.50 लाख रुपये स्टॅम्प ड्युटी आणि 30,000 रुपये नोंदणी शुल्क भरून फ्लॅट खरेदी केला होता.

मीडिया रिपोर्टनुसार, अक्षय कुमारने दुसरा फ्लॅट 1.35 कोटींना विकला आहे. ज्याचा कार्पेट एरिया फक्त 252 चौरस फूट आहे. अक्षयने हा फ्लॅट 2017 साली 67.90 लाखला खरेदी केला होता.