Akshay Kumar: सिनेसृष्टीतील कलाकार हे हुशार गुंतवणूकदार देखील आहेत त्यांना माहित असते की त्यांना कोणत्या गोष्टीचा भविष्यत फायदा होणार आहे. अलिकडेच अक्षय कुमारनेही स्वतःचा फायदा पहिला आहे. फेब्रुवारीच्या सुरुवातीला त्याने एक घर विकले आणि तेही मोठ्या नफ्यात. आता पुन्हा एकदा त्याने त्याचे आणखी एक घर विकले आहे.

अक्षय कुमारने मुंबईत असलेले एक घर मोठ्या किमतीत विकले आहे त्याची रिअल इस्टेट क्षेत्रात मोठ्या प्रमाणात चर्चा होत आहे. बोरिवली पूर्वेतील ओबेरॉय स्काय सिटी बिल्डिंगमध्ये त्याचे अपार्टमेंट आहे.

अक्षय कुमारला ८४ टक्के नफा झाला

आयजीआर प्रॉपर्टी रजिस्ट्रेशन कागदपत्रांमधून स्क्वेअर यार्ड्सना मिळालेल्या माहितीनुसार, अक्षय कुमारने नोव्हेंबर २०१७ मध्ये ओबेरॉय स्काय सिटीमध्ये २.३७ कोटी रुपयांना एक अपार्टमेंट खरेदी केले होते, जे त्याने ४.३५ कोटी रुपयांना विकले आहे. यानुसार, अक्षयला अपार्टमेंट विकून ८४% नफा झाला आहे.

अक्षयने आणखी एक फ्लॅट विकला होता

त्याच इमारतीत अक्षय कुमारचे आणखी एक अपार्टमेंट होते, जे त्याने या वर्षी फेब्रुवारीमध्ये ४.२५ कोटी रुपयांना विकले. ते विकून अक्षयला सुमारे ७८ टक्के नफा झाला. २०१७ मध्ये त्याने हे घर सुमारे २.३८ कोटी रुपयांना खरेदी केले. अपार्टमेंटचा कार्पेट एरिया १,०७३ चौरस फूट होता आणि त्यात दोन कार पार्किंग स्पेस देखील होत्या.