Riteish-Genelia New Song From Ved Movie: 'वेड' चित्रपट बॉक्स ऑफिसवर धुमाकूळ आहे. या चित्रपटाला प्रेक्षकांचा भरभरून प्रतिसाद मिळत आहे. आता या चित्रपटामध्ये बदल होणार असल्याचे म्हटले जात आहे. हे माही नाही तर खुद्द रितेश देशमुख आणि जेनेलिया यांनी सांगितलं आहे.

काही दिवसांपूर्वी रितेश देशमुख त्याच्या इन्स्टाग्राम एक व्हिडिओ शेअर केला होता. या विडिओ रितेश आणि शुभंकर तावडेने मिळून चित्रपटातील एक सीन रिक्रिएट केला होता. या व्हिडिओच्या माध्यमातून त्यांनी चित्रपटामध्ये बदल होणार असल्याचे सांगितले होते. प्रेक्षकांना चित्रपटामध्ये श्रवणी आणि सत्याचे (रितेश आणि जेनेलिया) यांचे रोमँटिक गाणे पाहायचे आहे. त्यामुळे रितेशने चित्रपट प्रदर्शित झाल्यानंतर चित्रपटामध्ये बदल करायचा निर्णय घेतला.

जेनेलियाने तिच्या सोशल मीडियावर चित्रपटामध्ये झालेले बदल शेअर केले आहेत. तसेच तिने कॅप्शनमध्ये लिहिले आहे, अनुभवा सत्या आणि श्रावणीच्या प्रेमाची जादू नव्या रूपात. या जेनेलियाने शेअर केलेल्या या व्हिडिओमध्ये गाण्यांमध्ये रितेश आणि जेनेलिया यांचे लग्न दाखविण्यात आले आहेत. तसेच हा बदल २० जानेवारीपासून प्रेक्षकांना चित्रपटगृहांमध्ये पाहायला मिळणार आहेत.

'वेड' चित्रपट रितेश आणि जेनेलियासाठी खूप खास आहे. त्या चित्रपटाच्या माध्यमातून रितेशने दिग्दर्शन क्षेत्रात पदार्पण केले आहे. तर जेनेलियाने मराठी चित्रपटसृष्टीत पदार्पण केले आहे. या दोघांच्या या चित्रपटाने अनेक रेकॉर्ड मोडून नवीन नवीन रेकॉर्ड बनवले आहेत. आता हे नवीन गाणं प्रेक्षकांना अजून चित्रपटाकडे ओढणार यात शंकाच नाही.