Aditya Roy Kapur And Ananya Pandey Relationship: गेल्या अनेक दिवसांपासून बॉलिवूड सेलिब्रिटींच्या लग्नाची लग्न सराई सुरू आहे. आथिया- राहुल, कियारा- सिद्धार्थ नंतर आणखी एक बॉलिवूडमधील सेलिब्रिटी लग्न बंधनात अडकणार आहे. त्यांच्या लग्नाची चर्चा नेहमीच सोशल मीडियावर आता पर्यंत होत आली आहे. ती जोडी म्हणजे, अनन्या आणि आदित्य रॉय कपूर. आदित्य आणि अनन्या यांनी अनेक कार्यक्रमांना एकत्र हजेरी लावली आहे. अशातच त्यांच्या लग्नाची चर्चा पुन्हा एकदा सुरू झाली आहे.

नुकताच अनन्याने आदित्यच्या ‘द नाईट मॅनेजर’ या वेबसीरिजच्या प्रीमियरला हजेरी लावली होती. सोबतच त्यांनी लॅक्मे फॅशन वीकला एकत्र हजेरी लावली होती. सध्या त्यांचा रॅम्प वॉक सोशल मीडियावर चांगलाच चर्चेचा विषय ठरला. हा रॅम्प वॉक व्हायरल झाल्यानंतर त्यांच्या पुन्हा एकदा रिलेशनशिपच्या चर्चा होत आहे.

नुकतंच एका कार्यक्रमादरम्यान त्याला पत्रकारांनी काही प्रश्न विचारले त्यावेळी तो म्हणतो, ‘मला वाटतं की प्रत्येकजण लग्न करत आहे, परंतु माझा सध्या लग्नाचा कोणताही विचार नाही. त्यामुळे, मी माझा सध्या वेळ घेत आहे, आणि योग्य वेळ आली की, लग्नाचा निर्णय घेईन.’

कॉफी विथ करण या शोमध्ये, करणने त्याच्या कार्यक्रमात अनन्या पांडेला विचारले होते, “मी तुला माझ्या पार्टीत पाहिले होते... तुझ्यात आणि आदित्य रॉय कपूरमध्ये काय संबंध आहे?” या प्रश्नावर अनन्याने उत्तर दिले की, “मला आदित्य रॉय कपूर आवडतो.”

लवकरच आदित्य राय कपूर मुख्य भूमिकेत असणारा ‘गुमराह’ हा चित्रपट येत्या ७ एप्रिलला थिएटरमध्ये प्रदर्शित होणार आहे. या चित्रपटात मुख्य भूमिकेत आदित्य रॉय कपूरसोबतच मृणाल ठाकूर आणि रौनित रॉय देखील दिसणार आहे. वर्धन केळकर दिग्दर्शित चित्रपटात तमिळ भाषेतील ‘थडम’चा रिमेक आहे.