Adil Khan Accusations On Wife Rakhi Sawant:

फेब्रुवारी २०२३मध्ये राखी सावंतने तिचा पती आणि व्यावसायिक आदिल खान दुर्रानीवर फसवणूक आणि विवाहबाह्य संबंध ठेवल्याचा आरोप करत गुन्हा दाखल केला होता, त्यानंतर ओशिवरा पोलिसांनी आदिलला अटक केली होती.

आदिल खानच्या अटकेनंतर त्याच्यावर एका इराणी महिलेने लैंगिक छळाचा आरोपही केला होता. तेव्हापासून आदिल म्हैसूर तुरुंगात बंद होता. त्याची तुरुंगातून सुटका झाली असून तो मुंबईत स्पॉट झाला. त्याने प्रेस कॉन्फरन्स घेत त्याच्यावरील सर्व आरोपांवर मौन सोडले असून राखी सावंतवर गंभीर आरोप केले.

राखीने रितेशला घटस्फोट दिलेला नाही

प्रत्रकार परिषदेत आदिलने उघड केले की राखीने रितेश (राखीचा माजी पती) पासून घटस्फोट घेतलेला नाही. आदिलने सांगितले की, राखी आणि रितेशचा विवाह करारही दाखवला. तो म्हणाला, "राखीने तिच्या आईच्या डोक्यावर हात ठेवून सांगितले की, तिचे रितेशशी लग्न झालेले नाही.

जेव्हा मी राखीशी लग्न केले आणि रजिस्ट्रारच्या कार्यालयात सही केली तेव्हा राखीने स्वत:ला अविवाहित असल्याचे घोषित केले. मी दुबईला गेलो होतो, तेव्हा ती यूकेला एका शोसाठी गेली होती, मी भारतात येण्याआधी ती भारतात परतली होती. एके दिवशी मी रितेशला पाठवलेली तिची व्हॉइस नोट पाहिली."

"त्या नोटमध्ये राखी म्हणाली होती, 'रितेश, आदिलशी लग्न करून मी चूक केली. तूच माझे आयुष्य आहेस. तुझ्यासोबत माझे दिवस खूप चांगले गेले. मी तुला विसरू शकत नाही.' त्यानंतर मी खूप शोधाशोध केली. रितेश दर महिन्याला तिला पैसे पाठवत होता. ती माझी फसवणूक करत होती. मला असेही कळले की राखीने रितेशशी लग्न केले आहे. त्यांचा घटस्फोट झालेला नाही."

आदिल खानने राखी सावंतवर आरोप केला आहे की, ती त्याला मारहाण करायची. बिग बॉस मराठीतून बाहेर पडल्यानंतर जेव्हाही अदिलने तिला रितेशबद्दल विचारले तेव्हा राखी त्याचा इश्यू करायची आणि मग अदिलशी भांडायची.

आदिलने राखीला इस्लाम स्वीकारण्यास भाग पाडले होते का?

राखी सावंतने एफआयआरमध्ये आदिलवर आरोप केला होता की त्याने अभिनेत्रीला इस्लाम धर्म स्वीकारण्यास भाग पाडले होते. यावर आदिल म्हणाला की, हे खोटे आहे. मी सर्व धर्मांचा आदर करतो, मी हे कधीच करू शकत नाही. अंगावरील जखमा दाखवत आदिल पुढे म्हणाला,

"एक दिवस राखीने मला खूप मारलं. मी राखीला म्हणालो की पुरे झाले. आपण गुपचूप लग्न केले. चल गुपचूप घटस्फोट घेऊ. माझा छळ करू नकोस. तिने माझ्याकडे नुकसानभरपाईची मागणी केली. त्यानंतर तिने माझ्याकडून दीड कोटी देखील मागितले. जे तिने जबरजस्तीने माझ्या व्यवसायात गुंतवले होते."

"जेव्हा मी तिला घटस्फोटाविषयी बोललो तेव्हा दुसऱ्या दिवशी तिने मीडियात पसरवले की आमचे लग्न झाले आहे. माझ्या घरच्यांनी सांगितले की मी त्यांची फसवणूक केली. राखीने माझे कपडे फेकले. ती म्हणाली की आता तुझी परिस्थिती न घर का ना घाट का अशी झाली आहे. मी तुला उद्ध्वस्त केले आहे."

आदिलच्या आधी राखीने रितेश नावाच्या एका बिझनेसमनसोबत लग्न केले होते, जो बिग बॉस 15 मध्ये देखील दिसला होता. शो सोडल्यानंतर राखी रितेशपासून वेगळी झाली होती. त्यानंतर राखीने मे 2022 मध्ये आदिलशी लग्न केले, ज्याची घोषणा तिने 2023 च्या सुरुवातीला केली.