९० च्या दशकातील प्रसिद्ध अभिनेत्री सोनम खानने अलिकडेच तिच्या सुरूवातीच्या चित्रपट कारकिर्दीबद्दल मोठा खुलासा केला आहे. अभिनेता गोविंदामुळे तिला पाठिंबा मिळाला असून, स्टेज परफॉर्मन्स आणि डान्सची भीती तिनं कशी घालवली? याबद्दल तिनं माहिती दिली. तिनं अभिनेता गोविंदासोबत अनेक चित्रपटांमध्ये काम केलं आहे. तसेच बिग बी अमिताभ बच्चन यांच्यासोबतही तिनं काम केलं आहे.

अलिकडेच तिनं गोविंदासोबतचा तिचा अनुभव शेअर केला आहे. सोनमने इन्स्टाग्रामवर गोविंदासोबतचा एका जुना फोटो शेअर केला आहे. फोटो पोस्ट करत तिनं भावनिक पोस्ट देखील लिहिली आहे. 'गोविंदाजी मला नेहमी म्हणायचे.. तू अगदी माझ्यासारखी आहे. आम्ही आतापर्यंत अनेक चित्रपटांमध्ये काम केलं आहे. मला अजूनही आठवते आहे, त्यांनी माझा हात धरला होता. मला नृत्य कसे करावे, हे त्यांनी शिकवलं होतं', असं ती म्हणाली.

सोनमने खुलासा केले की, जेव्हा तिनं इंडस्ट्रीमध्ये सुरूवात केली होती. तेव्हा तिनं ३० हून अधिक चित्रपट साइन केले होते. पण त्यावेळेस तिच्याकडे नृत्य कौशल्य नव्हते, असं तिनं सांगितलं. 'माझ्याकडे नृत्य कौशल्य नव्हते. शूटिंग वेळापत्रकामुळे रिहर्सल करण्यासाठीही वेळ नव्हता.'

'गोविंदाजी यांनी मला डान्स स्टेप्स शिकवले. डान्स करण्यासाठी प्रोत्साहन दिले. गोविंदा सर जितके नम्र आणि मदतगार आहेत. तितकेच ते एक मोठे स्टार आहेत. माझ्या कारकिर्दीत मला त्यांच्यापेक्षा नम्र आणि प्रामाणिक को- अॅक्टर भेटला नाही', असंही सोनम म्हणाली.